RBI દ્વારા ચોકલેટ બ્રાઉન કલર સાથે ૧૦ રૂપિયાની એક નવી નોટ જાહેર કરવામાં આવી છે. જાહેર કરાયેલ નવી નોટમાં રંગ અને કદ બાદ અન્ય એક મુખ્ય તફાવત એ છે કે નોટની પાછળના ભાગમાં કોનાર્ક સન ટેમ્પલનો ઉપયોગ કરવામાં આવશે. જયારે હાલની દસ રૂપિયા નોટમાં ગેંડા, હાથી અને વાઘ જેવા પ્રાણીઓનો સમાવેશ કરવામાં આવ્યો છે. આ પહેલા આરબીઆઈ દ્વારા ૫૦, ૨૦૦, ૫૦૦ રૂપિયાની નવી નોટ જાહેર કરવામાં આવી હતી.

RBIએ જણાવ્યું હતું કે, ટૂંક સમયમાં જ ગવર્નર ઉર્જિત પટેલના હસ્તાક્ષર સાથેના સર્ક્યુલેશનમાં નવી નોટ મૂકવામાં આવશે. મહત્વનું છે કે, આ પહેલા ૨૦૦૫માં RBI દ્વારા ૧૦ રૂપિયાની નોટ બદલવામાં આવી હતી.