Bollywood News :બોલીવુડની જાણીતી સિંગર નેહા કક્કર (Neha Kakkar) છેલ્લા 24 કલાકથી સોશિયલ મીડિયા પર ચર્ચાનું કેન્દ્ર બની છે. સોમવારે તેણે અચાનક એક પોસ્ટ મૂકીને કહ્યું હતું કે તે કામ અને સંબંધોમાંથી બ્રેક લઈ રહી છે.
આ પોસ્ટ બાદ તરત જ તેના અને પતિ રોહનપ્રીત સિંહના છૂટાછેડાની અટકળો શરૂ થઈ ગઈ હતી. જોકે, વાત વણસતી જોઈને નેહાએ તાત્કાલિક ‘યુ-ટર્ન’ લીધો છે. તેણે પોતાની જૂની પોસ્ટ ડિલીટ કરી દીધી છે અને એક નવી પોસ્ટ દ્વારા સ્પષ્ટતા કરી છે કે તેના લગ્નજીવનમાં બધું બરાબર છે.
“મારા ભોળા પતિને છોડી દો” (Neha Defends Husband)
નેહાએ નવી પોસ્ટમાં ટ્રોલર્સ અને અફવા ફેલાવનારાઓને જવાબ આપતા લખ્યું કે,
“મિત્રો, મહેરબાની કરીને મારા ભોળા પતિ અને મારા પરિવારને આ બધામાં ન ઘસડો. તેઓ સૌથી પવિત્ર હૃદયના લોકો છે અને હું આજે જે કંઈ પણ છું તે તેમના સપોર્ટને કારણે જ છું.”
આ સ્પષ્ટતા દ્વારા તેણે સાબિત કરી દીધું છે કે તેના અને રોહનપ્રીત વચ્ચે કોઈ જ સમસ્યા નથી.
કોનાથી દુઃખી છે નેહા?
જો પરિવાર સાથે સમસ્યા નથી, તો નેહા (Neha) પરેશાન કેમ હતી? તેનો જવાબ આપતા નેહા (Neha) એ લખ્યું કે,
“મને કેટલાક અન્ય લોકો અને સિસ્ટમથી તકલીફ છે, જેના કારણે હું દુઃખી છું. મને આશા છે કે તમે સમજશો.”
નેહાએ સ્વીકાર્યું કે સોશિયલ મીડિયા પર તેણે આટલું ભાવુક ન થવું જોઈતું હતું. તેણે લખ્યું, “લોકો જાણે છે કે રાઈનો પહાડ કેવી રીતે બનાવવો. મને મારો બોધપાઠ મળી ગયો છે.”
“ધમાકેદાર વાપસી કરીશ”
પોતાના ફેન્સ (NeHearts) ને શાંત્વના આપતા નેહા (Neha) એ કહ્યું કે હવે તે પોતાની પર્સનલ લાઈફ વિશે જાહેરમાં વાત નહીં કરે. તેણે વચન આપ્યું છે કે તે ટૂંક સમયમાં જ એક ધમાકેદાર કમબેક કરશે.
સોમવારે શું બન્યું હતું? (The Deleted Post)
આ આખા વિવાદની શરૂઆત સોમવારે થઈ હતી જ્યારે નેહા (Neha) એ લખ્યું હતું: “હવે જવાબદારીઓ, સંબંધો અને કામથી બ્રેક લેવાનો સમય છે. ખબર નથી હું પાછી આવીશ કે નહીં.”
આ પોસ્ટની સાથે તેણે પાપારાઝીઓને પણ વિનંતી કરી હતી કે તેના ફોટા ન પાડે અને તેને શાંતિથી જીવવા દે. આ પોસ્ટને કારણે જ લોકોએ માની લીધું હતું કે નેહા ડિપ્રેશનમાં છે અથવા તેના છૂટાછેડા થઈ રહ્યા છે.
ટ્રોલિંગનું કારણ: ‘કેન્ડી શોપ’ સોંગ
નેહાના (Neha) આ ગુસ્સા અને હતાશા પાછળનું એક મોટું કારણ તેનું નવું ગીત ‘કેન્ડી શોપ’ (Candy Shop) હોઈ શકે છે.
આ ગીત રિલીઝ થતાની સાથે જ લોકોએ નેહા (Neha) અને તેના ભાઈ ટોની કક્કરને સખત ટ્રોલ કર્યા હતા. લોકોએ આરોપ લગાવ્યો હતો કે આ ગીત કોરિયન પોપ (K-Pop) ની સસ્તી નકલ છે અને તેના ડાન્સ સ્ટેપ્સ અશ્લીલ છે. સતત થઈ રહેલા ટ્રોલિંગથી કંટાળીને કદાચ નેહા (Neha) એ બ્રેક લેવાની વાત કરી હતી.
નેહા કક્કર (Neha) હંમેશા ઈમોશનલ સ્વભાવ માટે જાણીતી છે. ભૂતકાળમાં રિયાલિટી શોમાં રડવાને લઈને પણ તે મજાકનું પાત્ર બની હતી. હાલમાં તેણે સ્પષ્ટ કરી દીધું છે કે તે ઈન્ડસ્ટ્રી છોડીને ક્યાંય નથી જઈ રહી અને તેનો પરિવાર તેની સાથે છે.
