રાષ્ટ્રીય તપાસ એજન્સી (એનઆઈએ) એ શનિવારે પશ્ચિમ બંગાળથી અલ-કાયદાના આતંકવાદી સમીમ અન્સારીની ધરપકડ કરી હતી. એનઆઈએ અધિકારીઓના જણાવ્યા અનુસાર મુર્શિદાબાદના જલંગી પોલીસ સ્ટેશન હેઠળ નંદપરા કાલીગંજમાં રહેતા સમીમ અન્સારીને મુર્શિદાબાદ જ્યુડિશિયલ ઓફિસર (સીજેએમ) સમક્ષ રજૂ કરવામાં આવ્યો હતો અને તેને ટ્રાન્ઝિટ રિમાન્ડ પર લેવામાં આવ્યો છે.આ પછી હવે તેને દિલ્હીની એનઆઈએની વિશેષ અદાલતમાં રજૂ કરવામાં આવશે, જ્યાં તેની પૂછપરછ કરવામાં આવશે.
એનઆઈએએ 19 સપ્ટેમ્બરના રોજ અલકાયદાના નવ શંકાસ્પદ આતંકીઓને કેરળના અનારકુલમ જિલ્લા અને પશ્ચિમ બંગાળના મુર્શિદાબાદ જિલ્લાના વિવિધ સ્થળોથી ધરપકડ કરી હતી. પ્રાપ્ત માહિતી અનુસાર, આરોપી સમીમ અલ-કાયદા મોડ્યુલનો 10 મો આતંકવાદી છે. કહેવામાં આવી રહ્યું છે કે ધરપકડ કરાયેલા શંકાસ્પદ લોકો પાકિસ્તાનના સંપર્કમાં છે અને તેમની નવી દિલ્હી સહિત દેશની ઘણી સરકારી સંસ્થાઓને નિશાન બનાવવાની યોજના હતી.
એજન્સીના અધિકારીઓના જણાવ્યા અનુસાર, શંકાસ્પદ આતંકવાદીઓ પાસેથી મોટી માત્રામાં હથિયારો, દેશમાં બનાવેલા હથિયારો, સ્થાનિક રીતે ઉત્પાદિત બોડી બખ્તર, જેહાદી સાહિત્ય અને વિસ્ફોટકો બનાવવા માટે વપરાયેલ સાહિત્ય મળી આવ્યા છે. તેઓ દિલ્હી-એનસીઆર, કોચી અને મુંબઇ સહિત અનેક સ્થળોએ હુમલાની યોજના બનાવી રહ્યા હતા.
ગયા અઠવાડિયે નવ શંકાસ્પદ લોકોની ધરપકડ બાદ જારી કરાયેલા એક નિવેદનમાં એનઆઈએએ જણાવ્યું હતું કે, “પ્રાથમિક તપાસ મુજબ આ વ્યક્તિઓને પાકિસ્તાન સ્થિત અલ-કાયદાના આતંકવાદીઓ દ્વારા સોશિયલ મીડિયા પર કટ્ટરપંથી કરવામાં આવ્યા હતા અને દિલ્હી સહિત અનેક જગ્યાએ હુમલા કરવા પ્રેરાયા હતા.આ હેતુ માટે, મોડ્યુલ ભંડોળ ઉભું કરવામાં સક્રિય રીતે સંકળાયેલું હતું અને ગેંગના કેટલાક સભ્યો હથિયારો અને દારૂગોળો ખરીદવા માટે નવી દિલ્હી જવાનું વિચારી રહ્યા હતા. “
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
