નાઈજીરિયામાં 47 મહિલાઓ ગુમ થતા સરકાર ચિંતિત બની છે. આ મામલે મિલિશિયાના નેતાઓએ જણાવ્યું હતું કે ઉત્તરપૂર્વીય નાઇજીરિયામાં ગુમ થયેલ 47 મહિલાઓનું જેહાદીઓ અપહણ કર્યાની આશંકા છે. મહિલાઓ ગુમ થવા પાછળ નેતાઓએ બોર્નો રાજ્યમાં શુક્રવારે થયેલા હુમલા માટે ઈસ્લામિક સ્ટેટ વેસ્ટ આફ્રિકા પ્રોવિન્સ (ISWAP)ને જવાબદાર ઠેરવ્યો છે. જે જેહાદી બળવાખોરીનું કેન્દ્ર માનવામાં આવે છે. 2009 થી અત્યાર સુધી આ હુમલાઓમાં 40,000 થી વધુ લોકો માર્યા ગયા છે અને 20 લાખ લોકો વિસ્થાપિત થયા છે.
એન્ટિ-જેહાદીસ્ટ મિલિશિયાના નેતા શેહુ માડાએ જણાવ્યું હતું કે કેમેરૂનની સરહદ નજીકના નાગાલામાં વિસ્થાપન શિબિરોની મહિલાઓ જ્યારે ISWAP બળવાખોરો દ્વારા ઘેરાયેલી હતી ત્યારે તેઓ લાકડા એકત્ર કરી રહી હતી. જોકે, મહિલાઓ ભાગવામાં સફળ રહી હતી અને પરત ફરી હતી. પરંતુ લાકડા લેવા ગયેલી 47 મહિલાઓનો પત્તો લાગ્યો ન હતો, એમ મેડાએ જણાવ્યું હતું.
જેહાદી વિરોધી મિલિશિયાના અન્ય નેતા ઓસ્માન હમઝાએ ઘટનાની પુષ્ટિ કરતા કહ્યું કે 47 મહિલાઓ બિનહિસાબી હતી. બોર્નો રાજ્ય પોલીસના પ્રવક્તા નહુમ દાસો કેનેથે જણાવ્યું હતું કે હુમલો શુક્રવારે સાંજે 4 વાગ્યાની આસપાસ થયો હતો, પરંતુ પોલીસ અપહરણ કરાયેલા અથવા હજુ પણ કેદમાં રહેલા લોકોની સંખ્યા અંગે ચોક્કસ આંકડો આપી શકી નથી.
નગાલા લોકલ ગવર્નમેન્ટ ઇન્ફર્મેશન યુનિટના અધિકારી અલી બુકરે જણાવ્યું હતું કે તેમને એવા અહેવાલો મળ્યા છે કે આ સંખ્યા હજી વધારે છે. સમગ્ર નાઇજીરીયામાં મહિલાઓનું મોટી સંખ્યામાં અપહરણ એ એક મોટી સમસ્યા છે. ગુનાહિત દળો સામે આ મામલે કામગીરી ચાલી રહી છે અને બીજી બાજુ આ દળો ઉત્તરપશ્ચિમમાં આંતર-સાંપ્રદાયિક હિંસા ભડકાવી રહ્યા છે.
ગયા મહિને, અપહરણકારોએ ઉત્તરપશ્ચિમ કેટસિના રાજ્યમાં લગ્નમાંથી પરત ફરી રહેલી ઓછામાં ઓછી 35 મહિલાઓને પકડી લીધી હતી. રાષ્ટ્રપતિ બોલા અહેમદ ટીનુબુ ગયા વર્ષે નાઇજીરીયામાં અસુરક્ષાનો અંત લાવવાનું વચન આપીને સત્તા પર આવ્યા હતા, પરંતુ ટીકાકારો કહે છે કે હિંસા નિયંત્રણની બહાર છે.
આ પણ વાંચોઃ
આ પણ વાંચોઃ
આ પણ વાંચોઃ
