પાકિસ્તાની રેન્જર્સએ જમ્મુ-કાશ્મીરના સામ્બા જિલ્લામાં સોમવારે આંતરરાષ્ટ્રીય બોર્ડર (આઈબી) પાસે ફાયરિંગ કરીને યુદ્ધવિરામ કરારનું ઉલ્લંઘન કર્યું હતું.
બોર્ડર સિક્યુરિટી ફોર્સ (બીએસએફ) ના પ્રવક્તાએ જણાવ્યું હતું કે બંને દેશો વચ્ચે શાંતિ જાળવવા આ વર્ષે 25 ફેબ્રુઆરીએ એક નવો કરાર થયો હતો. આ પછી, પહેલીવાર પાકિસ્તાને આંતરરાષ્ટ્રીય સરહદ નજીક સીઝફાયર કરારનું ઉલ્લંઘન કર્યું છે.
બીએસએફ જમ્મુ ફ્રન્ટીયર ઈન્સ્પેક્ટર જનરલ એન.એસ. જામવાલે અહીં પી.ટી.આઈ.ને જણાવ્યું હતું કે, પાકિસ્તાન રેન્જર્સે સવારે 6.૧5 વાગ્યે આંતરરાષ્ટ્રીય સરહદ નજીકના રામગઢ વિસ્તારમાં ફાયરિંગ કર્યું હતું. ગોળીબારમાં કોઈ જાનહાની થઈ નથી. બીએસએફના પ્રવક્તાએ જણાવ્યું હતું કે પાકિસ્તાની દળોએ કોઈ ઉશ્કેરણી કર્યા વગર વાડ નજીક પેટ્રોલીંગ કરી રહેલી ટીમ પર ગોળીબાર કર્યો હતો.
ભારત અને પાકિસ્તાન દ્વારા નિયંત્રણ રેખા અને અન્ય ક્ષેત્રોમાં સીઝફાયર માટેના ફેબ્રુઆરીના કરારનું કડક પાલન કરવા સંમત થયા હતા.બંને દેશોએ અગાઉ 2003 માં યુદ્ધવિરામ કરાર પર હસ્તાક્ષર કર્યા હતા, પરંતુ તેનું પાલન કરવામાં આવ્યું ન હતું.
