RBI News: રિઝર્વ બેંક ઓફ ઈન્ડિયાની મોનેટરી પોલિસી કમિટીએ સતત 10મી વખત રેપો રેટમાં ફેરફાર કર્યો છે. બેંકે રેપો રેટમાં કોઈ ઘટાડો ન કરવાનો નિર્ણય લીધો છે. વ્યાજ દર 6.50 ટકા રહેશે. જોકે, RBIએ પોતાનું વલણ બદલીને તેને તટસ્થ બનાવી દીધું છે. રિઝર્વ બેંક ઓફ ઈન્ડિયાના ગવર્નર શક્તિકાંત દાસે કહ્યું કે ફુગાવાનો દર નરમ અને સુસ્ત રહેશે. તે અસમાન રહેવાની ધારણા છે.
RBIએ આશા વ્યક્ત કરી છે કે નાણાકીય વર્ષ 2024-25ના બીજા ક્વાર્ટરમાં જીડીપી વૃદ્ધિ 7.0 ટકા રહી શકે છે. ત્રીજા અને ચોથા ક્વાર્ટરમાં તે 7.4 ટકા રહેવાની ધારણા છે. નાણાકીય વર્ષ 2026 ના પહેલા ક્વાર્ટરમાં વિકાસ દર 7.3 ટકા રહી શકે છે. ભારતીય બેંકનો દરોમાં ઘટાડો ન કરવાનો નિર્ણય યુએસ સેન્ટ્રલ બેંકથી વિપરીત છે, જેણે તાજેતરમાં વ્યાજ દરોમાં 0.5 ટકાનો ઘટાડો કર્યો હતો.
RBI ગવર્નર શક્તિકાંત દાસે કહ્યું કે SDF રેટ 6.25 ટકા છે. જ્યારે MSF 6.75 ટકા રહેશે. બેંકને જાણવા મળ્યું છે કે ફુગાવો અને વૃદ્ધિની સ્થિતિ સંતુલિત છે.
#WATCH | Mumbai | RBI Governor Shaktikanta Das says, “The standing deposit facility (SDF) rate remains at 6.25% and the marginal standing facility (MSF) and the bank rate stand at 6.75%. The NPC decided unanimously to change the stance to neutral and to remain unambiguously… pic.twitter.com/NTz6ibBSNW
— ANI (@ANI) October 9, 2024
નોન બેંકિંગ ફાઇનાન્સ કંપનીની ફ્લોટિંગ લોન પર મોટો નિર્ણય
રિઝર્વ બેંકના ગવર્નરે કહ્યું કે દેશમાં વિદેશી મુદ્રા ભંડાર રેકોર્ડ ઊંચાઈ પર છે. વિદેશી મુદ્રા ભંડાર 70,000 કરોડ ડોલરને પાર કરી ગયો છે. જુલાઈ અને ઓગસ્ટમાં FDIનો પ્રવાહ સુધર્યો છે. રિઝર્વ બેંકે કહ્યું છે કે ફ્લોટિંગ રેટ લોન પર કોઈ પ્રી-પેમેન્ટ ચાર્જ ન હોવો જોઈએ. નોન-બેંકિંગ ફાયનાન્સ કંપનીની ફ્લોટિંગ લોન પર RBIનો આ મોટો નિર્ણય છે.
આ સાથે જ રિઝર્વ બેંકે UPI લાઇટ વોલેટની મર્યાદા વધારીને 5000 રૂપિયા કરી દીધી છે. પહેલા આ મર્યાદા 2000 રૂપિયા સુધીની હતી. મતલબ કે હવે તમે UPI વોલેટમાં 5000 રૂપિયા સુધી રાખી શકો છો.
આ પણ વાંચો:RBIએ લોન્ચ કર્યું નવું ફીચર! હવે UPI દ્વારા ATMમાં તરત જ રોકડ જમા થશે, કોઈ કાર્ડની જરૂર નહીં પડે
આ પણ વાંચો:લોનનાં નામે હવે નહીં કરી શકાય છેતરપિંડી, RBIએ બતાવ્યો નવો પ્લાન
આ પણ વાંચો:RBIનો મહત્વનો નિર્ણય, રેપો રેટ 6.5 ટકા પર સ્થિર રહેશે, EMI અને લોન મુદ્દે વધુ રાહ
