Business News: ખનિજ સંસાધનોમાં (Minerals Source) વિશ્વના સૌથી મોટા ઉદ્યોગપતિઓમાંના (Industrialist) એક ઓસ્ટ્રેલિયાના (Australia) ક્રિસ એલિસનએ (Chris Ellison) તેમની કંપનીમાં કડક આદેશ જારી કર્યો છે. ક્રિસે તેની કંપનીમાં ઘરેથી કામ કરવાનું સંપૂર્ણપણે બંધ કરી દીધું છે. તેમની દલીલ એવી છે કે તેમના કર્મચારીઓ ઘરેથી યોગ્ય રીતે કામ કરતા નથી. આ સિવાય તેણે પોતાની કંપનીમાં કોઈને પણ કામકાજના સમય દરમિયાન ચા કે કોફી પીવા ઓફિસની બહાર જવા પર પ્રતિબંધ મૂક્યો છે.
મધ્યમ વર્ગ પરિવારમાં જન્મેલ ક્રિસ કરોડોનો માલિક
ક્રિસ એલિસન ઓસ્ટ્રેલિયાના સૌથી ધનિક લોકોમાંથી એક છે. વિદેશી મીડિયા અનુસાર ઓસ્ટ્રેલિયાના 50 સૌથી ધનિક લોકોની યાદીમાં 67 વર્ષીય ક્રિસનું નામ 49માં નંબરે છે. ક્રિસના છ બાળકો છે, તેનો જન્મ ન્યૂઝીલેન્ડના (Newzealand) એક મધ્યમ વર્ગના પરિવારમાં થયો હતો અને આજે તે 1000 કરોડ રૂપિયાથી વધુની સંપત્તિનો માલિક છે.
“No work from home. No coffee breaks for my staff. I want to hold them captive all day long.”
Give me one word to describe minning billionaire Chris Ellison.
I’ll go first: “FCKWIT.” pic.twitter.com/VxQQ3hca21
— Solo Monk (@JJKALE2) August 29, 2024
ક્રિસ એલિસને ઓસ્ટ્રેલિયાના પર્થમાં સ્થિત તેમની કંપનીની હેડ ઓફિસમાં આ નિયમ લાગુ કર્યો છે. તેમનું કહેવું છે કે તેઓ તેમના કર્મચારીઓને ફરજના સમય દરમિયાન ઓફિસની બહાર જવા દેતા નથી. હાલમાં જ તેણે એક કાર્યક્રમમાં આ વાતનો ખુલાસો કર્યો હતો. તેમનું કહેવું છે કે બહાર જવાને બદલે ઓફિસમાં ચા કે કોફી પીવાથી કર્મચારીઓનો સમય બચે છે અને વધુ કામ કરવામાં સક્ષમ બને છે.
સોશિયલ મીડિયા પર થઈ ટીકા
ક્રિસના મતે, અન્ય કંપનીઓએ પણ હાઇબ્રિડ કલ્ચરનો (Hybrid Culture) અંત લાવવો જોઈએ અને તેમના કર્મચારીઓને ઘરેથી કામ કરતા અટકાવવા જોઈએ. તે જ સમયે, કેટલાક લોકો સોશિયલ મીડિયા પર ક્રિસના આ નિર્ણયનું સમર્થન કરી રહ્યા છે જ્યારે કેટલાક લોકોએ કહ્યું છે કે તે કર્મચારીઓના માનસિક સ્વાસ્થ્યની વિરુદ્ધ છે.
આ પણ વાંચો:હવે ઓસ્ટ્રેલિયામાં કામના કલાકો પછી બોસને અવગણવાનો અધિકાર,’રાઈટ ટુ ડિસ્કનેક્ટ’ લાગુ થશે
આ પણ વાંચો:ભારતના ત્રણ રાજ્યોના વિદ્યાર્થીઓ ઓસ્ટ્રેલિયા અને કેનેડાની આંખોમાં કણાની જેમ ખૂંચી રહ્યા છે
આ પણ વાંચો:ઓસ્ટ્રેલિયામાં ભારતીયની Success Story, અભ્યાસ વચ્ચે છોડી બની ગયો ‘ડ્રોપઆઉટ ચાયવાલા’
