Nokia New Logo 2023: ફિનલેન્ડની સ્માર્ટફોન નિર્માતા નોકિયાએ નવા લોગો સાથે તેની બ્રાન્ડ ઓળખ બદલવાની યોજના બનાવી છે. હવે કંપનીના બ્લુ લોગોની જગ્યાએ તમને નવો રંગીન લોગો જોવા મળશે. કંપનીએ મોબાઈલ વર્લ્ડ કોંગ્રેસ 2023 દરમિયાન આ લોગોની જાહેરાત કરી છે. કંપનીએ 60 વર્ષ બાદ પોતાનો લોગો બદલ્યો છે. આ પહેલા પણ ઘણી વખત તેમાં નાના-મોટા ફેરફાર કરવામાં આવ્યા છે, પરંતુ પ્રથમ વખત તેને સંપૂર્ણ રીતે બદલવામાં આવ્યો છે. માર્કેટમાં તેને મોબાઈલ કંપનીના કમબેકની તૈયારી તરીકે જોવામાં આવી રહી છે.
નવા લોગોમાં પાંચ અલગ-અલગ કદનો સમાવેશ થાય છે જે NOKIA શબ્દ બનાવે છે. રિપોર્ટ અનુસાર, કંપની પોતાનો લોગો બદલવાની તૈયારી કરી રહી છે સાથે જ મોબાઈલ બિઝનેસ સિવાય અન્ય નેટવર્ક બિઝનેસ પર પણ ફોકસ કરી રહી છે. નોંધપાત્ર વાત એ છે કે, સ્માર્ટફોન સિવાય નોકિયા 5G સાધનો બનાવવાનું પણ કામ કરે છે. જો આપણે નોકિયા મોબાઈલ બ્રાન્ડની વાત કરીએ તો HMD ગ્લોબલ પાસે મોબાઈલ ફોન બનાવવાનું લાઇસન્સ છે. નોકિયાનો લોગો બદલાયા પછી પણ HMD ગ્લોબલ જૂના ક્લાસિક લોગો સાથે ફોન વેચશે. 2014માં નોકિયાના મોબાઇલ બિઝનેસને ખરીદનાર માઇક્રોસોફ્ટે નામનો ઉપયોગ કરવાનું બંધ કર્યા પછી HMDને લાઇસન્સ મળ્યું.
કંપનીનો બિઝનેસ બદલાઈ ગયો
નવા લોગો વિશે જણાવતા કંપનીના CEO પેક્કા લંડમાર્કે બાર્સેલોનામાં મોબાઈલ વર્લ્ડ કોંગ્રેસ (MWC)ના એક દિવસ પહેલા એક ઈન્ટરવ્યુમાં જણાવ્યું હતું કે તે સ્માર્ટફોન સાથે કંપનીના જોડાણને દર્શાવે છે, પરંતુ આજે કંપનીનો વ્યવસાય બદલાઈ ગયો છે અને ટેક્નોલોજી ક્ષેત્ર બદલાઈ ગયું છે. ઘણા લોકો પાસે નોકિયાની ઈમેજ અત્યારે એક સફળ મોબાઈલ બ્રાન્ડ તરીકે છે, પરંતુ નોકિયા એવું નથી. તેમણે વધુમાં જણાવ્યું હતું કે નેટવર્ક અને ઔદ્યોગિક ડિજિટાઈઝેશન પર ધ્યાન કેન્દ્રિત કરતી નવી બ્રાન્ડ, જે લેગસી મોબાઈલ ફોનથી સંપૂર્ણપણે અલગ છે. લંડમાર્કે કહ્યું કે સિગ્નલ એકદમ સ્પષ્ટ છે. અમે ફક્ત એવા વ્યવસાયમાં રહેવા માંગીએ છીએ જ્યાં અમે વૈશ્વિક નેતૃત્વ જોઈ શકીએ.
નોકિયાએ હાલમાં જ ફોન લોન્ચ કર્યો
નોકિયાએ હાલમાં જ Nokia G22 સ્માર્ટફોન લોન્ચ કર્યો છે, આ મોબાઈલ ફોનની ખાસ વાત એ છે કે તેનું બેક કવર 100% રિસાઈકલ પ્લાસ્ટિકથી બનેલું છે. તેની બેટરી, ડિસ્પ્લે, ચાર્જિંગ પોર્ટ બધું જ ગ્રાહક ઘરે બેઠા જ ઠીક કરી શકે છે. આ માટે કંપની તમને મોબાઈલ ફોનની સાથે iFixit કિટ પણ ફ્રીમાં આપી રહી છે. આની મદદથી તમે સ્માર્ટફોનના કોઈપણ ભાગને સરળતાથી બદલી શકો છો.
આ પણ વાંચો: Ravindra Jadeja Records/ જાડેજા ઇતિહાસ રચવાની તૈયારીમાં, કપિલદેવની હરોળમાં બિરાજશે
આ પણ વાંચો: Excise Policy Case/ મનીષ સિસોદિયાની વધી મુશ્કેલીઓ, કોર્ટે પાંચ દિવસના CBI રિમાન્ડ પર મોકલ્યા
