ભારતમાં વેચાણ માટે મુકેલા વાહનો સલામતીની દ્રષ્ટિએ પહેલા કરતા વધુ સારા બનશે. સરકાર ટૂંક સમયમાં બધા વાહનો માટે આગળની સીટ પર પેસેન્જર સાઇડ એરબેગ ફરજિયાત બનાવશે. ખાસ વાત એ છે કે આ નિયમ મોંઘી અને સસ્તી બધી કારો માટે લાગુ થશે. 1 જુલાઈ 2019 થી ભારતમાં વેચાણ માટે મુકેલી તમામ કારો માટે ડાઇવર સાઇડ એરબેગ ફરજિયાત છે.
એક અહેવાલ મુજબ, વાહન ધોરણોની સુપ્રીમ તકનીકી સમિતિએ દરખાસ્તને આગળ ધપાવી દીધી છે અને સરકારે સલામતી સુવિધાઓમાં ફેરફારને ધ્યાનમાં રાખીને ઓટોમોટિવ ઉદ્યોગ ધોરણ (AIS) માં સુધારા માટે એક ડ્રાફ્ટ નોટિફિકેશન બહાર પાડ્યું છે. એક સરકારી અધિકારીએ કહ્યું કે દુનિયાભરમાં સામાન્ય સહમતિ છે કે ગાડીઓમાં વધુ સલામતીનાં પગલાં ભરવા જોઈએ જેથી કોઈ પણ અકસ્માતમાં મુસાફરોનાં જીવન સુરક્ષિત રહે.
સરકારે સ્પષ્ટ કર્યું છે કે ખર્ચને ધ્યાનમાં લીધા વિના વાહનોની સલામતી સુવિધાઓ પર કોઈ બાંધછોડ કરી શકાતી નથી. નવા નિયમો ક્યારે અમલમાં મૂકવા જોઈએ તેની સમયરેખા પર માર્ગ પરિવહન મંત્રાલય કામ કરી રહ્યું છે. સૂત્રોના જણાવ્યા અનુસાર આ માટે એક વર્ષનો સમય પૂરતો રહેશે. આ ઉપરાંત સરકાર માર્ગ અકસ્માતોને રોકવા માટે ખાનગી અને વ્યવસાયિક કારમાં સેન્ટ્રલ લોકિંગ સિસ્ટમમાં મેન્યુઅલ સિસ્ટમનો સમાવેશ કરવાની પણ તૈયારી કરી રહી છે.
1 જુલાઈ 2019 ના રોજ સરકારે તમામ કારમાં 5 પ્રકારની સલામતીની સુવિધાઓ ફરજિયાત કરી દીધી હતી. આ પાંચ સુવિધાઓમાં એન્ટી લોક બ્રેકિંગ સિસ્ટમ (ABS), ડ્રાઇવર એરબેગ, સ્પીડ એલર્ટ સિસ્ટમ, સીટ બેલ્ટ રિમાઇન્ડર, રિવર્સ પાર્કિંગ એલર્ટ સિસ્ટમનો સમાવેશ છે. જો કે, આ સુવિધાઓ હોવા છતાં, મુસાફરો હજી પણ સંપૂર્ણ સલામત કહી ના શકાય. મોટા અકસ્માતમાં સહ-મુસાફરો ગંભીર રીતે ઘાયલ થવાના અથવા માર્યા જવાનો ભય રહે છે.
VIVO ટૂંક સમયમાં જ નવા સ્માર્ટફોન સિરીઝ કરશે લોન્ચ
માર્કેટમાં નવી ક્રેટા આવતા જ સેલ્ટોસનાં વેચાણ પર પડી સીધી અસર, જાણો
Redmiનો વધું એક મોબાઇલ ભારતની બજારમાં ધૂમ મચાવવા તૈયાર
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
