World News : વિશ્વની અગ્રણી AI ચિપ ઉત્પાદક કંપની Nvidiaમાં નેતૃત્વ પરિવર્તન બાદ હવે નવા CEOને લઈને ચર્ચાઓ તેજ બની છે. કંપનીના પૂર્વ CEO જેન્સન હુઆંગ (Jensen Huang) ફરીથી સત્તાની કમાન સંભાળશે કે નહીં તે સવાલ ચર્ચામાં આવ્યો છે. તેમના સંભવિત પુનરાગમન અંગે વિવિધ દાવાઓ સામે આવી રહ્યા છે, જોકે કંપનીએ હજુ સુધી તેમની વાપસી અંગે કોઈ સત્તાવાર જાહેરાત કરી નથી.
જેન્સન હુઆંગની વાપસી અંગે ચર્ચા કેમ શરૂ થઈ?
Nvidiaમાં તાજેતરના નેતૃત્વ પરિવર્તન બાદ કંપનીના ભવિષ્યને લઈને અનેક સવાલો ઊભા થયા છે. અહેવાલોમાં દાવો કરવામાં આવી રહ્યો છે કે સિલિકોન વેલીના કેટલાક પ્રભાવશાળી લોકો અને રોકાણકારો હુઆંગની વાપસીના પક્ષમાં છે. તેમના નજીકના વર્તુળમાં પણ આ મુદ્દે ચર્ચાઓ થઈ રહી હોવાની વાત સામે આવી છે.

જોકે, આ દાવાઓની સ્વતંત્ર પુષ્ટિ થઈ નથી. Nvidiaના બોર્ડે જેન્સન હુઆંગ (Jensen Huang) ના રાજીનામા બાદ નવા કાયમી CEO (Nvidia CEO)ની પસંદગી કરવાની પ્રક્રિયા શરૂ કરી છે.
બોર્ડના નિર્ણયથી નક્કી થશે કંપનીનું ભવિષ્ય
જેન્સન હુઆંગ કંપનીના સ્થાપકોમાંના એક છે અને Nvidiaના વિકાસમાં તેમનું મોટું યોગદાન રહ્યું છે. તેમ છતાં, કંપનીમાં તેમનો હિસ્સો લગભગ 3.5 ટકા હોવાથી બોર્ડના નિર્ણયને તેઓ પોતાની રીતે બદલી શકે તેવી સ્થિતિમાં નથી. CEO તરીકે તેમની સંભવિત વાપસી માટે બોર્ડની મંજૂરી મહત્ત્વપૂર્ણ રહેશે.
દરમિયાન અમેરિકાના ટ્રેઝરી સેક્રેટરી સ્કોટ બેસન્ટે Nvidiaમાં મોટા ફેરફારોની જરૂરિયાત વ્યક્ત કરી છે. તેમણે નવા CEO (Nvidia CEO)માટે કંપનીની બહારના ઉમેદવારને પસંદ કરવાની તરફેણ કરી છે. આ નિવેદનથી હુઆંગની વાપસીની શક્યતાઓ સામે વધુ પડકાર ઊભા થયા છે.
કોલેટ ક્રેસ પાસે અત્યારે કંપનીની કમાન
Nvidiaના બોર્ડે 11 નવેમ્બરના રોજ જેન્સન હુઆંગનું રાજીનામું તાત્કાલિક અસરથી સ્વીકાર્યું હતું. 12 નવેમ્બરે કંપનીએ સત્તાવાર જાહેરાત કરીને CFO કોલેટ ક્રેસને વચગાળાના CEO બનાવ્યાં હતાં. નવા કાયમી CEOની પસંદગી થાય ત્યાં સુધી તેઓ આ જવાબદારી સંભાળશે.
કંપનીના બોર્ડના અધ્યક્ષ તરીકે હાર્વે સી. જોન્સની નિમણૂક પણ કરવામાં આવી છે. બોર્ડ હવે આંતરિક અને બાહ્ય બંને ઉમેદવારો પર વિચાર કરી રહ્યું છે.
AI ચિપ વેચાણ અને ચીનના સંબંધો પણ ચર્ચામાં
Nvidiaમાં નેતૃત્વ પરિવર્તન વચ્ચે અમેરિકામાં AI ચિપની નિકાસને લઈને પણ સવાલો ઊભા થયા છે. ખાસ કરીને એશિયાઈ ગ્રાહકોને અદ્યતન AI ચિપના વેચાણ અને ચીન સાથેના સંભવિત સંબંધોની તપાસ વધી રહી છે.
અમેરિકાના કેટલાક સાંસદોએ ચિપ નિકાસ નીતિ અને સરકારી દેખરેખ અંગે જવાબદારી નક્કી કરવાની માંગ કરી છે. આ સમગ્ર ઘટનાક્રમની અસર Nvidiaના ભવિષ્ય, શેરબજાર અને વૈશ્વિક AI ઉદ્યોગ પર પડી શકે છે.
હાલમાં જેન્સન હુઆંગ (Jensen Huang) ની વાપસી અંગે કોઈ સત્તાવાર પુષ્ટિ નથી. હવે સૌની નજર Nvidiaના બોર્ડના આગામી નિર્ણય અને નવા કાયમી CEOની જાહેરાત પર છે.
