Ahmedabad News: અમદાવાદ હવે અકસ્માતોનું નગર બની રહ્યુ છે. શનિવારે મીઠાખળી નજીક નશામાં ધૂત કારચાલકે પાંચ જણને ટક્કર મારી હતી અને તેમા એક મહિલાનું મોત થયું હતું. હજી આ ઘટનાને માંડ ચોવીસ કલાક થયા છે ત્યાં રવિવારે ચાંદખેડામાં પોલીસ નેમપ્લેટવાળી કારે લોડિંગ રીશાને ટક્કર મારી હતી. તેના લીધે લોડિંગ રીક્ષા પલ્ટી ગઈ હતી. તેના લીધે લોડિંગ રીક્ષામાં બેઠેલા 11 વર્ષના છોકરાનું મૃત્યુ થયું હતું. આ સંદર્ભમાં પોલીસે ગુનો નોંધીને આરોપીની ધરપકડ કરી છે.
પોલીસનું કહેવું છે કે આરોપી પોલીસમાં નથી પણ એક ખાનગી કંપનીમાં કામ કરે છે. ચાંદખેડા IOC રોડ પર સ્નેહા પ્લાઝાની સામે ગંગા રામ ગુર્જર તેમના 11 વર્ષના પુત્ર શંકરને લોડિંગ રિક્ષામાં બેસાડીને લઈ જઈ રહ્યા હતા. આ દરમિયાન, ‘પોલીસ’ લખેલી નેમપ્લેટવાળી ટિયાગો કારે પૂરપાટ ઝડપે લોડિંગ રિક્ષાને ટક્કર મારી. લોડિંગ રિક્ષા સાથે અથડાયા બાદ રિક્ષા પલટી ગઈ, જેના કારણે રિક્ષામાં સવાર પિતા-પુત્ર નીચે પડી ગયા. લોડિંગ રિક્ષા 11 વર્ષના છોકરા પર પડી ગઈ, જેના કારણે તેના ગળામાં ગંભીર ઈજાઓ થઈ.
આ અકસ્માતમાં કિશોરનું ઘટનાસ્થળે જ મોત નીપજ્યું હતું. જ્યારે કિશોરીના પિતા ગંગા રામ ગુર્જર ઘાયલ થયા હતા. ઘટનાને કારણે આસપાસના વિસ્તારોના લોકો પણ એકઠા થઈ ગયા હતા. આ ઘટનામાં પોલીસ નેમ પ્લેટવાળી કાર ચલાવનાર વ્યક્તિ તરુણ પરમાર હોવાનું બહાર આવ્યું છે. આરોપી તરુણ પરમાર અમદાવાદના મણિનગરમાં રહે છે અને મારુતિ કુરિયર કંપનીમાં કામ કરે છે તેવું બહાર આવ્યું છે. જોકે, પોલીસ કારના આગળના ભાગમાં પોલીસ નેમ પ્લેટના મામલાની તપાસ કરી રહી છે.
આ અંગે એલ ડિવિઝન પોલીસ સ્ટેશનના પીઆઈ એનએમ પંચાલે જણાવ્યું હતું કે અકસ્માત અંગે ગુનો નોંધવામાં આવ્યો છે. આરોપીની પણ ધરપકડ કરવામાં આવી છે. આરોપીઓએ કાર પર પોલીસ નેમ પ્લેટ કેમ લગાવી હતી તેની તપાસ કરવામાં આવી રહી છે.
આ પણ વાંચો: અમદાવાદના ધંધુકાના ફેદરા-પીપળી માર્ગ પર ગોઝારા અકસ્માતમાં પતિ-પત્નીનું મોત
આ પણ વાંચો: અમદાવાદમાં અકસ્માતોની વણઝાર, બે અકસ્માતમાં ત્રણના મોત
આ પણ વાંચો: અમદાવાદના નરોડા પાટિયામાં અકસ્માતના CCTV આવ્યા સામે
