Washington News: યુએસ ફોરેન અફેર્સ કમિટી (US Foreign Affairs Committee)એ પહેલગામ હુમલા (Pahalgam Attack) અંગે ન્યૂયોર્ક ટાઈમ્સ (New York Times)ના અહેવાલની નિંદા કરી છે. અહેવાલમાં ‘આતંકવાદી’ શબ્દને બદલે ‘ઉગ્રવાદી’ શબ્દનો ઉપયોગ કર્યો હતો.
યુનાઇટેડ સ્ટેટ્સ (United States) સરકારની વિદેશ બાબતો સમિતિએ સોશિયલ મીડિયા પર ધ ન્યૂ યોર્ક ટાઇમ્સ (New York Times)ના લેખને જાહેરમાં વખોડી કાઢ્યો હતો, જેમાં તેના સમાચાર અહેવાલને “વાસ્તવિકતાથી દૂર” ગણાવ્યો. NYT (New York Times) હેડલાઇનમાં ‘કાશ્મીરમાં ઉગ્રવાદીઓ દ્વારા ઓછામાં ઓછા 24 પ્રવાસીઓની હત્યા’ લખ્યું હતું.
અમેરિકન સરકારે કહ્યું કે, “આ એક આતંકવાદી હુમલો હતો, સ્પષ્ટ અને સરળ છે ” તેમણે ઉમેર્યું કે “ભારત હોય કે ઇઝરાયલ, જ્યારે આતંકવાદની વાત આવે છે, ત્યારે ન્યૂયોર્ક ટાઈમ્સ (New York Times) વાસ્તવિકતાથી દૂર રહે છે.” સોશિયલ મીડિયામાં પોસ્ટમાં NYT (New York Times) વતી કરવામાં આવેલા સુધારા સાથેનો ફોટો પણ શેર કરવામાં આવ્યો હતો, જેમાં લખ્યું હતું, “હાય NYT, અમે તમારા માટે સુધારી દીધું છે.”
Hey, @nytimes we fixed it for you. This was a TERRORIST ATTACK plain and simple.
Whether it’s India or Israel, when it comes to TERRORISM the NYT is removed from reality. pic.twitter.com/7PefEKMtdq
— House Foreign Affairs Committee Majority (@HouseForeignGOP) April 23, 2025
તમને જણાવી દઈએ કે પહેલગામ આતંકવાદી હુમલા (Terror Attack)ને લઈને ભારત અને પાકિસ્તાન વચ્ચે તણાવ વધી ગયો છે. આ આતંકવાદી હુમલામાં 26 પ્રવાસીઓ માર્યા ગયા હતા. આ હુમલો 2019ના પુલવામા બોમ્બ વિસ્ફોટ પછી જમ્મુ અને કાશ્મીરમાં થયેલા સૌથી ઘાતક આતંકવાદી હુમલાઓમાંનો એક છે. આ હુમલા બાદ, ભારતે પાકિસ્તાન વિરુદ્ધ કાર્યવાહીની જાહેરાત કરી, જેમાં સિંધુ જળ સંધિ (Indus Water Treaty)ને સ્થગિત કરવી, પાકિસ્તાની રાજદ્વારીઓને હાંકી કાઢવા અને અટારી લેન્ડ ટ્રાન્ઝિટ પોસ્ટ તાત્કાલિક બંધ કરવાનો સમાવેશ થાય છે. ભારતે 27 એપ્રિલથી પાકિસ્તાની નાગરિકોને આપવામાં આવેલા તમામ વિઝા પણ રદ કર્યા છે અને પાકિસ્તાનમાં રહેતા ભારતીય નાગરિકોને ઘરે પાછા ફરવાની સલાહ આપી છે.
આ પણ વાંચો:પહેલગામ હુમલાનું હમાસ કનેક્શન… ઇઝરાયલે શું કહ્યું, તે ભારત-પેલેસ્ટાઇન સંબંધોને અસર કરશે
આ પણ વાંચો:જો કોઈ વિમાન પાકિસ્તાનમાંથી પસાર થયું તો…! શાહબાઝ સરકારે ભારતને આપી મોટી ચેતવણી
