એશિયા કપ 2022ની છેલ્લી લીગ સ્ટેજની મેચમાં હોંગકોંગ સામે પ્રથમ બેટિંગ કરતા પાકિસ્તાને મોહમ્મદ રિઝવાન અને ફખર ઝમાનની અડધી સદીની મદદથી 20 ઓવરમાં 2 વિકેટ ગુમાવીને 193 રન બનાવ્યા હતા. બેટિંગ કરવા ઉતરેલી પાકિસ્તાનની ટીમને પહેલો ફટકો બાબર આઝમના રૂપમાં લાગ્યો હતો. બાબર આઝમ 9 રન બનાવીને આઉટ થયો હતો.
આ પછી રિઝવાન અને ફખર ઝમાને ઇનિંગ્સને સંભાળી છે. આ બંને વચ્ચે બીજી વિકેટ માટે 81 બોલમાં 116 રનની ભાગીદારી થઈ હતી. ફખર ઝમાન 41 બોલમાં 53 રન બનાવીને આઉટ થયો હતો. મોહમ્મદ રિઝવાને 57 બોલમાં 78 રન બનાવ્યા હતા. ખુશદિલે 15 બોલમાં 35 રનની દમદાર ઇનિંગ રમી હતી. હોંગકોંગ તરફથી એહસાન ખાને 2 વિકેટ લીધી હતી.
એશિયા કપ 2022માં ગ્રુપ સ્ટેજની છેલ્લી મેચ પાકિસ્તાન અને હોંગકોંગ વચ્ચે રમાઈ રહી છે. શ્રીલંકાએ ગુરુવારે બાંગ્લાદેશને હરાવીને સુપર-4 માટે ક્વોલિફાય કર્યું હતું, જ્યારે પાકિસ્તાન અને હોંગકોંગ વચ્ચેની આજની મેચમાં જે ટીમ જીતશે તે સુપર-4માં પહોંચનારી છેલ્લી ટીમ હશે અને રવિવારે રોહિત શર્માની આગેવાનીવાળી ટીમ સામે ટકરાશે. શુક્રવારે પાકિસ્તાન અને હોંગકોંગની મેચમાં હારનાર ટીમ ટુર્નામેન્ટમાંથી બહાર થઈ જશે.
