રશિયા અને યુક્રેન વચ્ચે યુદ્ધ ચાલી રહ્યું છે. મિસાઈલ અને બોમ્બ હુમલા થઈ રહ્યા છે. દરેક વ્યક્તિને જીવ બચાવવાની ચિંતા છે, પરંતુ આ સંજોગોમાં પણ પાકિસ્તાનીઓ તેમની હરકતોથી બાજ નથી આવી રહ્યા. અહેવાલો અનુસાર, પાકિસ્તાની નાગરિકો યુક્રેનમાં ભારતીય વિદ્યાર્થીઓને લૂંટી રહ્યા છે. પાકિસ્તાન ઉપરાંત નાઈજીરિયાના વિદ્યાર્થીઓ પણ આવી જ પ્રવૃત્તિઓ કરી રહ્યા છે.
ભારતીય વિદ્યાર્થીઓ માટે સૌથી મોટી મુશ્કેલી અહીંથી સુરક્ષિત રીતે બહાર નીકળવાની છે. વાસ્તવમાં, ભારતીય વિદ્યાર્થીઓ એમ્બેસીના નિર્ણયથી નારાજ છે. એમ્બેસી કહી રહી છે કે, તમારા જોખમે સરહદ પર આવો, પરંતુ યુક્રેનમાં કર્ફ્યુ છે અને જેઓ ત્યાંથી નીકળે છે તો તેમને ગોળી મારવાનો આદેશ છે. આવી સ્થિતિમાં સૌથી મોટો સવાલ એ છે કે આ વિદ્યાર્થીઓ સરહદ સુધી કેવી રીતે પહોંચી શકે છે ?
ગ્વાલિયરનો પવન સોલંકી હજુ પણ યુક્રેનના કિવ શહેરમાં ફસાયેલો છે. પવને જણાવ્યું કે દૂતાવાસ વિદ્યાર્થીઓને પોતાના જોખમે રોમાનિયા, હંગેરી અથવા પોલેન્ડ બોર્ડર પર પહોંચવાનું કહી રહ્યું છે. અહીંથી દરેકને એરલિફ્ટ કરવામાં આવી રહ્યા છે. યુક્રેનમાં કર્ફ્યુ છે. કોઈપણને જોતા જ ગોળી મારવાના આદેશો છે. પવન સાથે રાજ્યના 6 થી 7 વિદ્યાર્થીઓ ફસાયા છે
