તેલંગાણાના સૂર્યાપેટમાં એક મોટી દુર્ઘટના સર્જાઇ છે. અહીં 47માં રાષ્ટ્રીય જુનિયર કબડ્ડી ટૂર્નામેન્ટનું આયોજન કરવામાં આવ્યું હતું. આ મેચ દરમિયાન ગેલેરીનો ભાગ તૂટી પડતાં 1500 દર્શકો તેની ઝપેટમાં આવી ગયા. આ દુર્ઘટનામાં 100થી વધુ લોકોને ઇજાઓ પહોંચી હોવાનું પ્રાથમિક અનુમાન છે. ઘાયલોને નજીકની હોસ્પિટલમાં ભરતી કરવામાં આવ્યા છે.
પ્રાપ્ત માહિતી અનુસાર કબડ્ડી ટૂર્નામેન્ટ દરમિયાન મોટી સંખ્યામાં ભીડ એકઠી થઇ હતી. આ દરમિયાન એક ગેલેરી તૂટીને નીચે પડી હતી. સૂર્યાપેટના આ મેદાનમાં 3 ગેલેરી છે. દરેક ગેલેરીમાં અંદાજે 5000 લોકોના બેસવાની સુવિધા છે. મેદાનમાં અંદાજે 15000 દર્શકોના બેસવાની વ્યવસ્થા છે.
