Business News: જાણીતી હેલ્થ અને હર્બલ પ્રોડક્ટ્સ (Health & Herbal) કંપની પતંજલિએ તેનો હોમ અને પર્સનલ કેર બિઝનેસ સંભાળી લીધો છે. આ અંગે કંપનીના ચીફ એક્ઝિક્યુટિવ ઓફિસર સંજીવ અસ્થાનાએ દાવો કર્યો છે કે પતંજલિ ફૂડ્સ લિમિટેડ નાણાકીય વર્ષ 2025ના અંત સુધીમાં નવા બિઝનેસથી 1,100 કરોડ રૂપિયાની આવક ઊભી કરી શકે છે. ઓક્ટોબરમાં ઈન્ડિયન કોમ્પિટિશન કમિશને (Indian Competition Commission) પતંજલિ ફૂડ્સ (Patanjali Foods) દ્વારા પતંજલિ આયુર્વેદના હોમ એન્ડ પર્સનલ કેર અથવા HPC બિઝનેસને ટેકઓવર કરવાની મંજૂરી આપી હતી.
એક ઈન્ટરવ્યુ આપતી વખતે કંપનીના ચીફ એક્ઝિક્યુટિવ ઓફિસરે જણાવ્યું હતું કે 1 નવેમ્બરથી HPC બિઝનેસ પતંજલિ ફૂડ્સમાં એકીકૃત થઈ ગયો છે. તેમણે વધુમાં જણાવ્યું હતું કે અમારું વેચાણ ઝડપથી ચાલી રહ્યું છે અને અમને વિશ્વાસ છે કે આ એકીકરણ સફળતાપૂર્વક પૂર્ણ થશે. અમે આ ક્વાર્ટરથી પરિણામોની જાણ કરવાનું શરૂ કરીશું. આ ક્વાર્ટર માટે અમને HPC બિઝનેસના બે મહિનાના પરિણામો પણ મળશે.
1,100 કરોડની આવક
પતંજલિ આયુર્વેદ પાસેથી બિઝનેસ સંભાળ્યા પછી, પતંજલિ ફૂડ્સને આ નાણાકીય વર્ષમાં HPC સેગમેન્ટમાં બિઝનેસ કરવા માટે પાંચ મહિનાનો સમય મળ્યો છે. અસ્થાનાએ એ પણ ધ્યાન દોર્યું કે વ્યવસાય સામાન્ય રીતે આશરે રૂપિયા 225 કરોડની માસિક આવક પેદા કરે છે, જે પાંચ મહિનાની અંદાજિત આવક રૂપિયા 1,100 કરોડ સુધી લઈ જાય છે.
પતંજલિ ફૂડ્સના સીઈઓ વધતા ઈનપુટ ખર્ચ વચ્ચે આગામી ક્વાર્ટરમાં માર્જિન દબાણની અપેક્ષા રાખે છે. અસ્થાનાએ કહ્યું કે કંપનીએ ચોક્કસપણે રૂ. 800 કરોડથી રૂ. 900 કરોડ (રેવન્યૂ) નિશ્ચિત કરી આપી છે. આવી સ્થિતિમાં, કેટલાક ફેરફારોને બાદ કરતાં, અમે રૂ. 1,100 કરોડને પણ સ્પર્શી શકીએ છીએ, જેના વિશે અમને વિશ્વાસ છે. પતંજલિ ફૂડ્સના સીઈઓએ જણાવ્યું હતું કે નાણાકીય વર્ષ 2026 થી કંપની વાર્ષિક ધોરણે HPC બિઝનેસમાં 15% વૃદ્ધિની અપેક્ષા રાખે છે.
આ પણ વાંચો:PAN Card, QR Code, URLનું પૂરૂ નામ શું તમે જાણો છો? કરો એક ક્લિક
આ પણ વાંચો:મ્યુચ્યુઅલ ફંડમાં પૈસા ડબલ થવામાં કેટલો સમય લાગશે?
