ઉત્તર પ્રદેશ સહિત પાંચ રાજ્યોમાં વિધાનસભાની ચૂંટણી યોજાવાને કારણે છેલ્લા ચાર મહિનાથી ઈંધણના ભાવમાં વધારો થયો નથી. જો કે હવે આગામી 11 દિવસમાં પેટ્રોલ અને ડીઝલના ભાવમાં 12 રૂપિયા સુધીનો વધારો થઈ શકે છે. ICICI સિક્યોરિટીઝે એક રિપોર્ટમાં આ વાત કહી છે.
આ પણ વાંચો: વારાણસીની રેલીમાં રાહુલ ગાંધીનાં નિશાને મોદી સરકાર, યુક્રેન, બેરોજગારી અને મોંઘવારી મુદ્દે કર્યા પ્રહાર
ICICI સિક્યોરિટીઝના એક રિપોર્ટ અનુસાર, રિટેલરોએ ખર્ચ વસૂલવા માટે 16 માર્ચ સુધીમાં પેટ્રોલ અને ડીઝલના ભાવમાં 12 રૂપિયા પ્રતિ લિટરથી વધુનો વધારો કરવાની જરૂર છે. તે જ સમયે, તેલ કંપનીઓના માર્જિનને ઉમેરીને, પ્રતિ લિટર 15.1 રૂપિયાનો ભાવ વધારો જરૂરી છે.
બ્રોકરેજ કંપની જે.પી. મોર્ગને એક અહેવાલમાં જણાવ્યું હતું કે, “રાજ્યની વિધાનસભાની ચૂંટણી આવતા સપ્તાહ સુધીમાં પૂરી થઈ જશે. અનુમાન છે કે આ પછી ઇંધણના દરો દૈનિક ધોરણે વધી શકે છે.
રિપોર્ટ અનુસાર, “3 માર્ચ, 2022ના રોજ વાહન ઇંધણનું નેટ માર્કેટિંગ માર્જિન માઇનસ રૂ. 4.92 પ્રતિ લિટર હતું. ચાલુ નાણાકીય વર્ષના ચોથા ક્વાર્ટરમાં અત્યાર સુધી તે 1.61 રૂપિયા પ્રતિ લિટર છે. જો કે, ઈંધણની વર્તમાન આંતરરાષ્ટ્રીય કિંમત પર, નેટ માર્જિન 16 માર્ચે માઈનસ રૂ. 10.1 પ્રતિ લિટર અને 1 એપ્રિલે ઘટીને રૂ. 12.6 પ્રતિ લિટર થઈ શકે છે.
ક્રૂડ ઓઈલની કિંમત રેકોર્ડ હાઈ પરઃ પેટ્રોલિયમ મંત્રાલય હેઠળના પેટ્રોલિયમ પ્લાનિંગ એન્ડ એનાલિસિસ સેલ (PPAC) અનુસાર, ભારત જે ક્રૂડ ઓઈલ ખરીદે છે તેની કિંમત 3 માર્ચે પ્રતિ બેરલ $117.39 થઈ ગઈ હતી. ઇંધણની આ કિંમત 2012 પછી સૌથી વધુ છે.
ગયા વર્ષે નવેમ્બરની શરૂઆતમાં, જ્યારે પેટ્રોલ અને ડીઝલની કિંમતો પર રોક લગાવવામાં આવી હતી, ત્યારે ક્રૂડ ઓઇલની સરેરાશ કિંમત બેરલ દીઠ $ 81.5 હતી. સ્થાનિક ઇંધણની કિંમતો આંતરરાષ્ટ્રીય તેલની કિંમતોથી સીધી અસર કરે છે કારણ કે ભારત તેની તેલની જરૂરિયાતના 85 ટકા આયાત કરે છે.
આ પણ વાંચો:બેલારુસના રાષ્ટ્રપતિએ કહ્યું, રશિયા અને યુક્રેન વચ્ચેના યુદ્ધમાં પોતાની સેના નહીં મોકલે
આ પણ વાંચો:/ 12 માર્ચનાં રોજ અમદાવાદમાં યોજાશે ખેલ મહાકુંભ, વડાપ્રધાન મોદી કરાવશે શુભારંભ
