વડા પ્રધાન નરેન્દ્ર મોદી 18 જૂન 2021ના રોજ સવારે 11 વાગ્યે વીડિયો કોન્ફરન્સિંગ દ્વારા કોવિડ -19 સાથે સંકળાયેલા ફ્રન્ટલાઈન વર્કર્સ માટે વિશેષ રીતે રચાયેલ ક્રેશ કોર્સ પ્રોગ્રામનો પ્રારંભ કરશે. આ લોકાર્પણની સાથે, 26 રાજ્યોમાં ફેલાયેલા 111 તાલીમ કેન્દ્રોમાં આ કાર્યક્રમની શરૂઆત કરવામાં આવશે. વડા પ્રધાનનું સંબોધન બાદ ક્રેશ કોર્સનો પ્રારંભ થશે. આ પ્રસંગે કેન્દ્રીય કૌશલ વિકાસ અને ઉદ્યમ મંત્રી પણ ઉપસ્થિત રહેશે.
આ કાર્યક્રમનો ઉદ્દેશ દેશભરમાં એક લાખથી વધુ કોવિડ યોદ્ધાઓને કુશળતાથી સજ્જ કરવા અને તેમને કંઈક નવું શીખવવાનું છે. કોવિડ યોદ્ધાઓને હોમ કેર સપોર્ટ, બેઝિક કેર સપોર્ટ, એડવાન્સ્ડ કેર સપોર્ટ, ઇમર્જન્સી કેર સપોર્ટ, સેમ્પલ કલેક્શન સપોર્ટ અને મેડિકલ ઇક્વિપમેન્ટ સપોર્ટ જેવા છ કાર્યોથી સંબંધિત ચોક્કસ ભૂમિકાઓની તાલીમ આપવામાં આવશે.
આ કાર્યક્રમને પ્રધાનમંત્રી કૌશલ વિકાસ યોજના 3.0 ના કેન્દ્રિય ઘટક હેઠળ એક વિશેષ પ્રોગ્રામ તરીકે બનાવવામાં આવ્યો છે, જેની કુલ આર્થિક સહાય રૂ .276 કરોડ છે. આ કાર્યક્રમ આરોગ્ય ક્ષેત્રે કાર્યરત કર્મચારીઓની વર્તમાન અને ભવિષ્યની જરૂરિયાતોને પહોંચી વળવા કુશળ બિન-તબીબી આરોગ્યસંભાળ કામદારોને તૈયાર કરશે.
રસીકરણ ઝડપી બનાવવાના પ્રયાસો પણ ચાલુ છે
આરોગ્ય મંત્રાલય દ્વારા જારી કરાયેલા એક નિવેદનમાં જણાવ્યા અનુસાર રસીકરણમાં પ્રગતિ માટે કેન્દ્રીય આરોગ્ય સચિવ રાજેશ ભૂષણની અધ્યક્ષતામાં રાજ્યો સાથે ઉચ્ચ સ્તરીય બેઠક મળી હતી અને આ દરમિયાન તે જાહેર કરવામાં આવ્યું હતું કે, 82 ટકા આરોગ્ય કર્મચારીઓ જે કોરોના રસીનો પહેલો ડોઝ આપવામાં આવ્યો છે. જયારે બીજા ડોઝના કિસ્સામાં આ સંખ્યા માત્ર 52 ટકા છે. નિવેદનમાં જણાવ્યા અનુસાર, પંજાબ, મહારાષ્ટ્ર, દિલ્હી, હરિયાણા, તામિલનાડુ અને આસામ સહિત 18 રાજ્યો અને કેન્દ્રશાસિત પ્રદેશોમાં આ જૂથની રસીકરણ ટકાવારી રાષ્ટ્રીય સરેરાશ કરતા ઓછી છે.
