વડા પ્રધાન નરેન્દ્ર મોદીએ રવિવારે જણાવ્યું હતું કે વોલમાર્ટના મુખ્ય કાર્યકારી અધિકારી (CEO) ડગ મેકમિલન સાથેની તેમની તાજેતરની બેઠક ફળદાયી હતી જે દરમિયાન તેઓએ વિવિધ વિષયો પર ઊંડાણપૂર્વક ચર્ચા કરી હતી. મોદીએ એમ પણ કહ્યું કે તેઓ ભારતને રોકાણ માટે આકર્ષક સ્થળ તરીકે ઉભરતું જોઈને ખુશ છે.
મેકમિલન ગયા અઠવાડિયે પીએમ મોદીને મળ્યા હતા. મોદીએ ટ્વીટમાં જણાવ્યું હતું કે, વોલમાર્ટના સીઈઓ ડગ મેકમિલન સાથે ફળદાયી મુલાકાત થઈ. અમે વિવિધ વિષયો પર ઊંડાણપૂર્વક ચર્ચા કરી. ભારત રોકાણ માટે આકર્ષક સ્થળ તરીકે ઉભરતું જોઈને આનંદ થયો. તે જ સમયે, Walmart Inc, 11 મેના રોજ ટ્વિટ કર્યું, અદ્ભુત વાતચીત માટે વડા પ્રધાન નરેન્દ્ર મોદીનો આભાર.
અમે 2027 સુધીમાં ભારતમાંથી વાર્ષિક 10 બિલિયન ડોલરની નિકાસ કરવાની દિશામાં કામ કરી રહ્યા છીએ. રમકડાં, સીફૂડ અને અન્ય માલસામાનમાં ભારતને વૈશ્વિક નિકાસમાં અગ્રણી બનાવવા માટે અમે લોજિસ્ટિક્સ, કૌશલ્ય વિકાસ અને પુરવઠા શૃંખલાને મજબૂત કરવા પ્રતિબદ્ધ છીએ. વોલમાર્ટ ઇન્કએ મેકમિલનને ટાંકીને એક ટ્વિટમાં જણાવ્યું હતું કે વડા પ્રધાન નરેન્દ્ર મોદી સાથેની બેઠકે ભારત સાથે મળીને કામ કરવાના સહિયારા મૂલ્યોને વધુ મજબૂત બનાવ્યા છે. સાથે મળીને, અમે દેશના ઉત્પાદન વિકાસને સમર્થન આપવાનું ચાલુ રાખીશું અને તકોનું સર્જન કરીશું.
