• PM મોદીએ ભાવિનાને ટ્વિટથી પાઠવી શુભેચ્છા,
• ભાવિના પટેલને સિલ્વર મેડલ માટે પાઠવી શુભકામના,
• સિલ્વર મેડલ જીતવા માટે આપ્યા અભિનંદન,
• ગુજરાતની દીકરીએ મેળવ્યો સિલ્વર મેડલ

ભારતની ટેબલ ટેનિસ ખેલાડી ભાવિના પટેલ ફાઇનલ મેચમાં ગોલ્ડ મેડલ ગુમાવી ચૂકી છે પરંતુ તેણે સિલ્વર જીતીને ઇતિહાસ રચી દીધો છે. ફાઇનલમાં તેણીનો સામનો ચીનની ઝોઉ યિંગ સાથે થયો હતો, જે વિશ્વની નંબર વન ખેલાડી છે. વર્ગ 4 હેઠળ, ભાવિનાએ મેચ 0-3થી ગુમાવી દીધી હતી. ચીની ખેલાડીએ 11-7, 11-5 અને 11-6થી જીત મેળવી હતી જે મેચ પર તેની પકડ દર્શાવે છે. જો કે ભાવિના પટેલે સિલ્વર મેડલ જીતીને ભારતને ગર્વનો અહેસાસ કરાવ્યો છે. જે બાદલ PM મોદી અને રાષ્ટ્રપતિ રામનાથ કોવિંદે ભાવિના પટેલને શુભકામનાઓ પાઠવી છે.

આ પણ વાંચો – Tokyo Paralympics / ભાવિનાનાં સિલ્વર મેડલ જીત બાદ મહેસાણામાં તેનો પરિવાર ખુશીમાં કરવા લાગ્યું ગરબા, Video

આપને જણાવી દઇએ કે, ભાવિનાએ ટોક્યો પેરાલિમ્પિકમાં (ટેબલ ટેનિસ) સિલ્વર મેડલ જીતીને ઇતિહાસ રચ્યો છે, જેના પર હવે વડાપ્રધાન મોદીએ ટ્વીટ કરી ભાવિનાને શુભકામનાઓ પાઠવી છે. PM મોદીએ ટ્વીટમાં લખ્યુ, ઉલ્લેખનીય ભાવના પટેલે રચ્યો ઇતિહાસ! તે ઘરે ઐતિહાસિક સિલ્વર મેડલ લઇને આવશે. તે બદલ અભિનંદન. તેની જીવનયાત્રા પ્રેરણાદાયી છે અને વધુ યુવાનોને રમત તરફ આકર્ષિત કરશે.

The remarkable Bhavina Patel has scripted history! She brings home a historic Silver medal. Congratulations to her for it. Her life journey is motivating and will also draw more youngsters towards sports. #Paralympics

— Narendra Modi (@narendramodi) August 29, 2021

આપને જણાવી દઇએ કે, ભાવિનાની ઐતિહાસિક જીત પર તેના પરિવારજનો પણ ઘણા ખુશ દેખાઇ રહ્યા છે. ભાવિનાની સિલ્વર મેડલની જીત સુનિશ્ચિત થયા બાદ ભાવિનાનો પરિવાર કે જે ગુજરાતનાં મહેસાણામાં રહે છે, તેઓ ગરબે જુમવા લાગ્યા હતા. તેમણે આ શુભ સમયમાં એકબીજાને મીઠાઇ ખવડાવીને મોંઢુ મીઠુ કર્યુ હતુ. ઉલ્લેખનીય છે કે, ભાવિનાની સિલ્વર મેડલની જીત પર દેશનાં રાષ્ટ્રપતિ રામનાથ કોવિંદે પણ તેને શુંભકામનાઓ પાઠવી છે. રાષ્ટ્રપતિએ ટ્વીટમાં લખ્યું, ભાવના પટેલે પેરાલિમ્પિક્સમાં સિલ્વર મેડલ જીતનાર ભારતીય ટુકડી અને રમતપ્રેમીઓને પ્રેરણા આપી છે. તમારા અસાધારણ દ્રંડ સંકલ્પ અને કુશળતાએ ભારતને ગૌરવ અપાવ્યું છે. આ અસાધારણ સિદ્ધિ માટે તમને મારા અભિનંદન.

આ પણ વાંચો – Tokyo Paralympics / ગુજરાતી ટેબલ ટેનિસ ખેલાડી ભાવિના પટેલે જીત્યો સિલ્વર મેડલ

Bhavina Patel inspires the Indian contingent and sportslovers winning silver at #Paralympics. Your extraordinary determination and skills have brought glory to India. My congratulations to you on this exceptional achievement.

— President of India (@rashtrapatibhvn) August 29, 2021