બોલિવૂડ અભિનેત્રી અનુષ્કા શર્મા લાંબા વિરામ બાદ મોટા પડદા પર વાપસી કરવા માટે તૈયાર છે. અનુષ્કા ટૂંક સમયમાં વિશ્વ ક્રિકેટ ઈતિહાસમાં સૌથી ફાસ્ટ મહિલા બોલરમાંથી એક ઝુલન ગોસ્વામીની બાયોપિક ‘ચકદા એક્સપ્રેસ’માં જોવા મળશે, જેની પુષ્ટિ અભિનેત્રીએ સોશિયલ મીડિયા દ્વારા કરી છે. સોશિયલ મીડિયા પર ફિલ્મનું ટીઝર શેર કરતી વખતે અનુષ્કાએ ફેન્સને આ વિશે જાણકારી આપી હતી.
આ પણ વાંચો – સુરક્ષામાં ચૂક / પંજાબના મુખ્ય સચિવ અને DGP વડાપ્રધાનના કાફલામાં સામેલ કેમ ન હતા? અનેક સવાલો ઉભા થયા
અનુષ્કા શર્માએ નવા વર્ષની શરૂઆતમાં તેના ચાહકોને ખુશખબર આપી છે. ટૂંક સમયમાં જ તમે તેને ઝુલન ગોસ્વામીનાં રોલમાં સ્ક્રીન પર જોઈ શકશો. ઝુલનની બાયોપિક ‘ચકદા એક્સપ્રેસ’ નું શૂટિંગ શરૂ થઈ ગયું છે. અનુષ્કા લાંબા સમયથી ફિલ્મોથી દૂર છે ત્યારે આ ફિલ્મ તેના ચાહકો માટે વિઝ્યુઅલ ટ્રીટ બની રહેશે. વળી, અનુષ્કાને ક્રિકેટરનાં રૂમમાં જોવાનું પણ રોમાંચક હશે. લગભગ 1 મિનિટનાં આ ટીઝરમાં મહિલા ક્રિકેટ ટીમની શરૂઆતની મુશ્કેલીઓની ઝલક આપવામાં આવી છે. બીજી તરફ, અનુષ્કા બંગાળી એક્સેન્ટમાં ઝુલન ગોસ્વામીની જેમ બોલતી જોવા મળે છે. તેણે એક ઈમોશનલ નોટ પણ લખી છે અને સમજાવ્યું છે કે આ ફિલ્મ તેના માટે કેમ ખાસ છે. અનુષ્કાએ નોટમાં લખ્યું છે કે, આ ફિલ્મ મારા માટે ખરેખર સારી છે કારણ કે તે જબરદસ્ત બલિદાનની વાર્તા છે. ચકદા એક્સપ્રેસ ભૂતપૂર્વ ભારતીય કેપ્ટન ઝુલન ગોસ્વામીનાં જીવન પર આધારિત છે અને તે મહિલા ક્રિકેટની દુનિયામાં આંખ ખોલનાર બની રહેશે. જે સમયે ઝુલને ક્રિકેટર બનવાનું અને વિશ્વની સામે દેશનું સન્માન લાવવાનું નક્કી કર્યું ત્યારે મહિલાઓ માટે રમત વિશે વિચારવું પણ મુશ્કેલ હતું.
https://www.instagram.com/tv/CYX7vaDFcDZ/?utm_source=ig_web_copy_link
અનુષ્કા શર્મા 2018 થી કોઈ ફિલ્મમાં જોવા મળી નથી. તે છેલ્લે શાહરૂખ ખાનની ફિલ્મ ઝીરોમાં જોવા મળી હતી. ઘણા સમયથી ચર્ચા હતી કે તે ઝુલન ગોસ્વામીની બાયોપિકમાં જોવા મળશે. તે ઝુલન સાથે ઘણી વખત જોવા મળી હતી. ત્યારપછી તેની વચ્ચે પ્રેગ્નન્સીને કારણે ફિલ્મને રોકી દેવામાં આવી હતી. બાદમાં એવા અહેવાલો આવ્યા હતા કે અનુષ્કા આ ફિલ્મ નથી કરી રહી પરંતુ તેની જગ્યાએ તૃપ્તિ ડિમરીએ લીધી છે. એવું કહેવામાં આવી રહ્યું હતું કે અનુષ્કા જ ફિલ્મ પ્રોડ્યુસ કરશે. જોકે તેણે ફિલ્મની એક ઝલક શેર કરીને લોકોને ચોંકાવી દીધા છે.
