- ઓમિક્રોન વેરિયંટને લઈ WHOની ચેતવણી
- વેરિયંટ વિરુદ્ધ બેદરકારી જીવલેણ બની શકે
- ભારત સહિત 59 દેશોમાં ઓમિક્રોન ફેલાયો
- ઓમિક્રોનથી સાજા થવામાં લાગે છે વિલંબ
- ઓમિક્રોનથી ઘટી શકે છે નેચનલ ઈમ્યુનિટી
સમગ્ર વિશ્વ એકવાર ફરી કોરોનાનાં નવા વેરિઅન્ટ ઓમિક્રોનની ઝપટમાં આવી રહ્યુ છે. આ વેરિઅન્ટ દુનિયાભરમાં ઝડપથી ફેલાઇ રહ્યો છે. ત્યારે હવે આ ચિંતાનો વિષય બની ગયો છે.
આ પણ વાંચો – Political / ખુલ્લામાં નમાઝ વાંચવાને લઇને CM ખટ્ટરની મુસલમાન સમુદાયને ચેતવણી
આપને જણાવી દઇએ કે, દક્ષિણ આફ્રિકાથી શરૂ થયેલા કોરોના વાયરસનું ઓમિક્રોન વેરિઅન્ટ હવે સમગ્ર વિશ્વમાં ઝડપથી ફેલાઈ રહ્યું છે. જેના કારણે ભારતમાં ફરી એકવાર ચિંતા વધી છે. માહિતી અનુસાર, ભારતમાં ઓમિક્રોન સંક્રમિત દર્દીઓની સંખ્યા વધીને 26 થઈ ગઈ છે. વળી, વિશ્વમાં આ સંખ્યા 2936 ને વટાવી ગઈ છે. ગયા દિવસે, બ્રિટનનાં સાજિદ જાવિદે સંસદમાં સ્વીકાર્યું હતું કે, ઈંગ્લેન્ડમાં ઓમિક્રોન વેરિઅન્ટ્સનો કોમ્યુનિટી સ્પ્રેડ શરૂ થયો છે. યુકેમાં, છેલ્લા 24 કલાકમાં ઓમિક્રોન કોરોના વેરિયન્ટ્સનાં 90 નવા કેસ નોંધાયા છે, જેની કુલ સંખ્યા 336 થઈ ગઈ છે. ભારતમાં વધી રહેલા કેસોને લઈને આરોગ્ય વિભાગનાં કપાળ પર ચિંતાની રેખાઓ છે. આપને જણાવી દઈએ કે, ભારતમાં પહેલા બે કેસ કર્ણાટકમાં નોંધાયા હતા. અત્યાર સુધીમાં, કુલ મળીને, આ વેરિઅન્ટ 59 દેશોમાં ફેલાયો છે. એકંદરે, 24 નવેમ્બરનાં રોજ, દક્ષિણ આફ્રિકાનાં ગોટેંગ પ્રાંતમાં પ્રથમ કેસ નોંધાયો હતો. તેને WHO દ્વારા 26 નવેમ્બરે વેરિઅન્ટ ઓફ કંસર્ન તરીકે જાહેર કરવામાં આવ્યું હતું. હવે જ્યારે કેસો વધવા લાગ્યા છે, ત્યારે ભારતનું આરોગ્ય વિભાગ પણ એલર્ટ મોડમાં આવી ગયું છે, એવું કહેવામાં આવી રહ્યું છે કે રાજધાનીને અડીને આવેલા ગૌતમબુધનગરમાં તાજેતરમાં હજારો લોકો વિદેશથી પાછા ફર્યા છે. પરંતુ હજુ સુધી દરેકનું RTPCR કરવામાં આવ્યું નથી. જેના કારણે ખતરો વધી શકે છે. જો કે, ઓમિક્રોનમાંથી અત્યાર સુધી કોઈ મૃત્યુનો કેસ નોંધાયો નથી. વૈજ્ઞાનિકોનાં મતે આ વાયરસનું સંક્રમણ જેટલી ઝડપથી ફેલાય છે. તે એટલું ખતરનાક નથી. WHO નાં મતે જો કે તેનાથી નેચરલ ઈમ્યુનિટીમાં ઘટાડો થઇ શકે છે.
આ પણ વાંચો – Shocking / પાકિસ્તાની અભિનેત્રીએ સાથી કલાકારોનો નગ્ર અવસ્થામાં બનાવ્યો Video
કુલ 2,936 નવા વેરિઅન્ટ કેસમાંથી, યુકેમાં સૌથી વધુ 817, ડેનમાર્ક 796 અને દક્ષિણ આફ્રિકામાં 431 છે. કેનેડામાં 78, અમેરિકામાં 71, જર્મનીમાં 65, દક્ષિણ કોરિયામાં 60 થયા છે. ઓસ્ટ્રેલિયામાં 52, ઝિમ્બાબ્વેમાં 50, ફ્રાન્સમાં 42, પોર્ટુગલમાં 37, નેધરલેન્ડમાં 36, નોર્વેમાં 33, ઘાનામાં 33 અને બેલ્જિયમમાં 30 કેસ મળી આવ્યા છે. ઝડપથી વધી રહેલા આ કેસોને જોઈને WHOએ ચિંતા વ્યક્ત કરી છે. આ સાથે કોવિડ પ્રોટોકોલનું પાલન કરવાની પણ અપીલ કરવામાં આવી છે.
