કોંગ્રેસના પૂર્વ અધ્યક્ષ રાહુલ ગાંધીએ સેનાની ભરતી મુદ્દે કેન્દ્રની મોદી સરકારને ઘેરી છે. તેમણે કહ્યું કે યુવાનો દેશ માટે પોતાનો જીવ આપવા તૈયાર છે, પરંતુ આ અસમર્થ સરકાર સેનામાં ભરતી કરવા તૈયાર નથી.
રાહુલે ટ્વિટર પર કેટલાક યુવાનોનો વીડિયો શેર કરતા લખ્યું કે, ‘યુવાનો દેશ માટે પોતાનો જીવ આપવા તૈયાર છે, પરંતુ આ અસમર્થ સરકાર સેનામાં ભરતી કરવા તૈયાર નથી.’ રાહુલ ગાંધીએ શેર કરેલા વીડિયોમાં કેટલાક યુવકો સેનામાં ભરતીની માંગ કરી રહ્યા છે. યુવકો કહી રહ્યા છે કે પરીક્ષા લેવામાં આવતી નથી. પરીક્ષા ક્યારે લેવાશે તે સરકાર જણાવી રહી નથી. કારણ પૂછો તો કોરોના સમજાવે છે.
नौजवान देश के लिए जान देने को तैयार हैं।
लेकिन यह निकम्मी सरकार सेना में भर्तियाँ करने के लिए तैयार नहीं हैं।
ना रोज़गार, ना रक्षा। #KiskeAchheDin pic.twitter.com/RBDv3N439o
— Rahul Gandhi (@RahulGandhi) April 6, 2022
રાહુલે શેર કરેલા વીડિયોમાં એક યુવક પણ છે જે રાજસ્થાનના સીકરથી ભાગીને દિલ્હી પહોંચ્યો હતો. તેણે 50 કલાકમાં 300 કિમીનું અંતર કાપ્યું. આ યુવક દિલ્હીમાં એક પ્રદર્શનમાં ભાગ લેવા માટે સેનામાં જોડાવા માટે સીકરથી આવ્યો હતો. આ 24 વર્ષીય યુવકનું નામ સુરેશ ભીચર છે.
