મધ્યપ્રદેશનાં છતરપુર જિલ્લામાં આરોગ્ય વિભાગની મોટી બેદરકારી સામે આવી છે, જે બાદ આરોગ્ય વિભાગ પર સવાલો ઉઠી રહ્યા છે. જણાવી દઇએ કે, છતરપુર જિલ્લાનાં ગૌરી હારમાં રહેતી 60 વર્ષીય રામપ્યારી પટેલને કોરોના પોઝિટિવ જાહેર કરવામાં આવી હતી અને તેમના ઘરને કન્ટેનમેન્ટ ઝોન તરીકે જાહેર કરવામાં આવ્યું હતું. કન્ટેનમેન્ટ એરિયાનાં પોસ્ટરો ઘરની બહાર અને આસપાસ લગાવવામાં આવ્યા હતા.
આ પણ વાંચો – Festival / ઉત્તરાયણમાં પક્ષી બચાવવા હેતુ કરૂણા અભિયાન શરૂ, રાજ્ય સરકારે જાહેર કરી હેલ્પલાઇન નંબર
વૃદ્ધ મહિલા રામપ્યારી પટેલનું કહેવું છે કે, છેલ્લા 5 મહિનાથી તેઓ ન તો હોસ્પિટલ ગયા છે કે ન તો તેમણે કોઈ પ્રકારની તપાસ કરાવી છે. તેનાથી વિપરીત, આરોગ્ય વિભાગનાં સરકારી આંકડાઓ કહે છે કે, રામપ્યારી પટેલ 5મીએ ગૌરી હાર આરોગ્ય કેન્દ્ર પહોંચ્યા હતા અને તેમની કોવિડ-19 માટે તપાસ કરવામાં આવી હતી. આરોગ્ય વિભાગનાં રેકોર્ડ મુજબ, આ કથિત ટેસ્ટિંગમાં તેનો રિપોર્ટ પોઝિટિવ આવ્યો હતો, ત્યારબાદ તેના ઘરને કન્ટેનમેન્ટ ઝોન તરીકે જાહેર કરવામાં આવ્યું હતું. રામપ્યારી પટેલ ગૌરી હારમાં કચ્છનાં મકાનમાં રહે છે. વૃદ્ધ મહિલા કહે છે કે જ્યારે તે જાગી તો તેણે જોયું કે લોકોએ તેની સાથે વાત કરવાનું બંધ કરી દીધું હતું, તેની નજીક કોઈ આવતું ન હોતું, આસપાસ કેટલાક પોસ્ટર લગાવવામાં આવ્યા હતા. લોકોને પૂછવા પર મને ખબર પડી કે મને કોઈ બીમારી છે, જેને કોરોના વાયરસ કહેવાય છે. રામપ્યારી પટેલ કહે છે કે, તે છેલ્લા 5 મહિનાથી ન તો કોઈ રીતે બીમાર છે કે ન તો હોસ્પિટલમાં ગઈ છે. તે ચોક્કસપણે 5 મહિના પહેલા આંખનાં ચશ્મા માટે હોસ્પિટલમાં ગઈ હતી, તે પછી આજ સુધી તેને કોઈ બીમારી થઈ નથી. જો કે રામપ્યારી પટેલને કાનથી ઓછું સંભળાય છે એટલે ઘણી વખત પૂંછવા પર તે વારંવાર માત્ર એક જ જવાબ આપી રહી હતી કે તેને કોઇ બિમારી નથી. આ મામલાને લઈને જ્યારે ગૌરી હાર બ્લોકનાં બ્લોક મેડિકલ ઓફિસર ડૉ. એસ પ્રજાપતિ સાથે વાત કરવામાં આવી તો તેઓ કહે છે કે તેમને આ મામલાની જાણ થતાં જ તેમણે સ્ટાફને ઠપકો આપ્યો એટલું જ નહીં પણ તપાસનાં આદેશ પણ આપ્યા હતા. આવી બેદરકારી ક્યાં અને કોના દ્વારા કરવામાં આવી છે તેની પણ તપાસ બાદ કાર્યવાહી કરવામાં આવશે.
આ પણ વાંચો – Covid-19 / સુરેન્દ્રનગર જિલ્લામાં કોરોનાનાં કેસ વધતા કેન્દ્રીય રાજ્યમંત્રી ડો.મહેન્દ્ર મુંજપરાએ તાકીદની બેઠક બોલાવી
જો કે હવે આરોગ્ય વિભાગ દ્વારા સંબંધિત મામલે સ્પષ્ટતા કરવામાં આવી રહી છે પરંતુ ખુદ આરોગ્ય વિભાગ જ અનેક પ્રશ્નોનાં ઘેરામાં છે. એક 60 વર્ષીય વૃદ્ધ મહિલા જે છેલ્લા ઘણા મહિનાઓથી બીમાર નથી કે હોસ્પિટલ પણ નથી ગઇ, તો પછી તેના સેમ્પલ કેવી રીતે અને ક્યાં લેવામાં આવ્યો અને વૃદ્ધ મહિલા કેવી રીતે પોઝિટિવ આવી. આ તમામ પ્રશ્નોનાં જવાબ આરોગ્ય વિભાગ હજુ આપી શક્યું નથી.
