ભારતીય બેટ્સમેન ચેતેશ્વર પૂજારા ઈંગ્લેન્ડ સામેની પાંચ મેચોની ટેસ્ટ સીરીઝમાં ચોક્કસપણે સારો સમય પસાર કરી રહ્યા નથી. પૂજારાએ અત્યાર સુધી સીરીઝ માં રમાયેલી પાંચ ઇનિંગ્સમાં માત્ર 71 રન બનાવ્યા છે અને માત્ર 17.75 ની એવરેજથી તેણે રન બનાવ્યા છે. વળી, ઇંગ્લેન્ડના પૂર્વ કેપ્ટન માઇકલ વોને પુજારા પર જોરદાર પ્રહાર કર્યા છે. તેમણે કહ્યું છે કે, પૂજારા સંપૂર્ણપણે ગર્ક જતા રહ્યા છે. વોને કહ્યું કે જમણા હાથના આ બેટ્સમેને પોતાનું મન અને ટેકનિક બંને ગુમાવી દીધું છે.
આ પણ વાંચો – IND vs ENG / પતંનો ખુલાસો- મોહમ્મદ સિરાજ પર દર્શકોએ ફેંકી હતી બોલ
વોને બીબીસી પર કહ્યું કે, “ચેતેશ્વર પુજારા દરિયા તરફ જુએ છે. એવું લાગે છે કે તેણે પોતાનું મન ગુમાવી દીધું છે, તેણે તેની ટેકનિક ગુમાવી દીધી છે. મને લાગે છે કે તે સંપૂર્ણપણે અસ્તિત્વ માટે રમી રહ્યો છે. અને જેમ્સ એન્ડરસને પૂજારાને આઉટ કરવાનો રસ્તો શોધી કાઠ્યો છે. એક તરફ બોલ સારી રીતે ફરી રહ્યો હતો અને બીજુ પૂજારા પર ઘણું દબાણ હતુ.” ભારતીય ટીમ અટવાઈ ગઈ હોવાનું જણાવતા વોને કહ્યું કે, તમામ ભારતીય બેટ્સમેનો માત્ર અસ્તિત્વ માટે રમ્યા હતા. 46 વર્ષીય વોને વધુમાં કહ્યું કે, ભારતે કોઈ નિરાશા બતાવી નથી, તેણે ઉમેર્યું કે એક ટીમે સારા દિવસો બનાવવા પડશે. વોને એવું કહીને સમાપન કર્યું કે, બીજી બાજુ ઈંગ્લેન્ડની ટીમે ઘણી નિરાશા દર્શાવી હતી. વોને કહ્યું, “મને લાગ્યું કે ટીમ ઈન્ડિયા થોડી ફસાઇ ગઇ છે, ખાસ કરીને રોહિત શર્મા. તે એટલો સારો ખેલાડી છે. તે લગભગ અસ્તિત્વ માટે રમી રહ્યો હતો. જાડેજા અસ્તિત્વ માટે રમ્યો હતો. અમે રિષભ પંતને જોઈ રહ્યા છીએ, તેણે હાફ એન્ડ હાફ રમત બતાવી. તે જે રીતે મેદાનમાં દેખાયો હતો તે જોઇને લાગી રહ્યુ હતુ કે તે તેનો સ્વાભાવિક રમત નહતો રમી રહ્યો.
આ પણ વાંચો – IND vs ENG / ટીમ ઈન્ડિયાને ટોસ જીતવો મોંંઘો પડ્યો, ટીમ 100 નો આંકડો પાર કર્યા પહેલા ઓલઆઉટ
ઉલ્લેખનીય છે કે, ભારત અને ઈંગ્લેન્ડ વચ્ચે રમાઈ રહેલી 5 મેચોની ટેસ્ટ સીરીઝની ત્રીજી મેચ હેડિંગ્લે મેદાન પર રમાઈ રહી છે, જેમાં ભારતીય કેપ્ટન વિરાટ કોહલીએ ટોસ જીતીને પ્રથમ બેટિંગ કરવાનો નિર્ણય કર્યો હતો. લોર્ડ્સમાં વિજય બાદ કેપ્ટન વિરાટ કોહલી અને ટીમનો જુસ્સો ઘણો ઉંચો દેખાતો હતો અને તે જ આત્મવિશ્વાસને કારણે વિરાટ સેના આ મેચમાં પ્રથમ બેટિંગ કરવા ઉતરી હતી. જોકે, આ નિર્ણય ભારતીય ટીમ માટે કંઈ ખાસ સાબિત થયો ન હતો અને ટીમ ઈન્ડિયાનાં બેટ્સમેન ઈંગ્લિશ બોલરો સામે સંપૂર્ણપણે લાચાર દેખાઈ રહ્યા હતા અને ટેસ્ટ ક્રિકેટમાં તેના 9 માં સૌથી ઓછા સ્કોર પર ઓલઆઉટ થઈ ગઇ હતી.
