કોરોનાનાં કારણે આ વર્ષે IPL ની સીઝનને સ્થગિત કરવી પડી હતી. જો કે હવે આઈપીએલની બાકીની મેચો રમાડવાની તૈયારીઓ પર કામ થઇ રહ્યું છે. આપને જણાવી દઇએ કે, કોરોનાનાં કારણે સ્થગિત થયેલી આઈપીએલની આ સીઝન હવે મહામારીની ભેટ ન ચઢે તે માટે BCCI કોઇ રિસ્ક લેવા માંગતી નથી. અને આ જ કારણ છે કે, આઈપીએલ એ ખેલાડીઓ માટે કડક નિયમો તૈયાર કર્યા છે.

આ પણ વાંચો – Gold Medalist / કપિલ દેવે નીરજ ચોપરાને પૂછ્યો લગ્ન અંગે સવાલ, તો શરમાઈ ગયો ગોલ્ડન બોય

BCCI એ IPL 2021 નાં ​​બીજા તબક્કાની તૈયારીઓ તેજ કરી દીધી છે. આ અંતર્ગત BCCI એ ખેલાડીઓ માટે કડક નિયમો તૈયાર કર્યા છે. બોર્ડે સ્પષ્ટ કરી દીધું છે કે, કોરોનાનાં કારણે આઈપીએલની પ્રથમ સીઝન સ્થગિત કરવી પડી હતી. જેના કારણે બીજી સીજનમાં કોઈપણ પ્રકારની બેદરકારી સહન કરવામાં આવશે નહીં અને નિયમો તોડનારા સામે કડક કાર્યવાહી કરવામાં આવશે. બીસીસીઆઈનાં સૂત્રોનાં જણાવ્યા અનુસાર તમામ ખેલાડીઓએ બાયોની બાજુમાં રહેવું પડશે અને બીસીસીઆઈ બબલ તોડનારા સામે કડક કાર્યવાહી કરશે. જો કોઈ આંતરરાષ્ટ્રીય ખેલાડી બબલમાંથી આઈપીએલ બબલ પર આવે છે, તો તેને અલગ રાખવાની જરૂર નથી. પરંતુ જો કોઈ ખેલાડી અન્ય કોઈ સીરીઝનાં બબલને તોડે અને આઈપીએલ 2021 માં રમવા માટે અહીં બાયો બબલમાં પ્રવેશ કરે છે, તો તેને 6 દિવસ માટે ક્વોરેન્ટિન રહેવું પડશે.

આ પણ વાંચો – ફૂટબોલ / ચાલુ પ્રેસ કોન્ફરન્સમાં મેસ્સી રડવા લાગ્યો, હાજર લોકોએ તાલીઓ પાડી આપી હિમ્મત

ઉલ્લેખનીય છે કે, IPL 2021 નો બીજો તબક્કો 19 સપ્ટેમ્બરથી શરૂ થશે અને ફાઇનલ 15 ઓક્ટોબરે રમાશે. પ્રથમ મેચ ચેન્નાઈ સુપર કિંગ્સ અને મુંબઈ ઈન્ડિયન્સ વચ્ચે રમાશે. બીસીસીઆઈએ બીજા તબક્કા માટે લગભગ 46 પાનાની હેેલ્થ એડવાઇજરી બહાર પાડી છે. બીજા તબક્કાની તમામ મેચ યુએઈમાં યોજાશે. જો સૂત્રોનું માનીએ તો બીજા તબક્કાની મેચ માટે કેટલાક નવા નિયમો પણ તૈયાર કરવામાં આવ્યા છે. તેમના કહેવા મુજબ, જો મેચ દરમ્યાન બોલ સ્ટેન્ડમાં જાય છે, તો તેનો ફરીથી ઉપયોગ કરવામાં આવશે નહીં. તેની જગ્યાએ અન્ય બોલનો ઉપયોગ કરવામાં આવશે. આની પાછળનો તર્ક એ છે કે બીજા તબક્કામાં મેચ દરમ્યાન દર્શકો પણ હાજર રહેશે. આવી સ્થિતિમાં, પ્રેક્ષક માટે બોલને સ્પર્શ કરવો સામાન્ય રહેશે. તેથી BCCI કોઈ પણ પ્રકારનું જોખમ લેવા માંગતું નથી.