HCએ કેન્દ્રીય મંત્રી ટેનીના પુત્રને જામીન આપ્યા, આશિષ મિશ્રા લખીમપુર હિંસાનો છે મુખ્ય આરોપી

થોડા દિવસો પહેલા લખીમપુર હિંસા કેસમાં SITએ ચાર્જશીટ દાખલ કરી હતી. 5000 પાનાની ચાર્જશીટમાં આશિષ મિશ્રા ઉર્ફે મોનુને મુખ્ય આરોપી બનાવવામાં આવ્યો છે. 3 ઓક્ટોબર, 2021ના રોજ આશિષ મિશ્રાના સમર્થકો અને ખેડૂતો વચ્ચેની અથડામણમાં 8 લોકો માર્યા ગયા હતા. ચાર્જશીટ મુજબ, એક સુવિચારી કાવતરાના ભાગરૂપે, વિરોધ કરી રહેલા ખેડૂતોને જીપ અને એસયુવી દ્વારા કચડી નાખવામાં આવ્યા હતા.

કેન્દ્રીય ગૃહ રાજ્ય મંત્રી અજય મિશ્રા ટેનીના પુત્ર આશિષ મિશ્રા ને હાઈકોર્ટે મોટી રાહત આપી છે. લખીમપુર ખેરીમાં ખેડૂતો પર કાર ચઢાવવાના આરોપી આશિષ મિશ્રાને લખનઉ હાઈકોર્ટમાંથી જામીન મળી ગયા છે.

તપાસમાં SITને 17 વૈજ્ઞાનિક પુરાવા, 7 ભૌતિક પુરાવા અને 24 વિડિયો-ફોટો એવી રીતે મળ્યા કે આરોપીઓની મુશ્કેલી વધી ગઈ. આ કેસમાં 208 લોકોએ જુબાની આપી હતી. તેના આધારે SITએ તેની ચાર્જશીટ લખી છે. સાક્ષીઓએ SITને જણાવ્યું કે આશિષ ઘટનાસ્થળે હતો.

એસયુવી દ્વારા કચડાઈ જતાં 4 ખેડૂતોના મોત થયા હતા
આશિષ મિશ્રાએ પોતાની કાર વડે 4 ખેડૂતોને કચડી નાખ્યા હતા, જેમના મોત થયા હતા. આ પછી ઉશ્કેરાયેલા ખેડૂતોએ અનેક વાહનોને આગ ચાંપી દીધી હતી. તેમજ 4 લોકોને ઢોર માર મારવામાં આવ્યો હતો. જેમાં એક ન્યૂઝ ચેનલના રિપોર્ટર રમણ કશ્યપનું પણ મોત થયું હતું.

લખીમપુર ખેરી હિંસા મામલે કેન્દ્રીય ગૃહ રાજ્ય મંત્રી અજય મિશ્રા ટેનીના પુત્ર આશિષ મિશ્રાને 124 દિવસ બાદ જામીન મળ્યા છે. ગયા વર્ષે 3 ઓક્ટોબરે લખીમપુર ખેરીના ટિકુનિયામાં થયેલી હિંસાના સંબંધમાં આશિષ મિશ્રાની 9 ઓક્ટોબરે ધરપકડ કરવામાં આવી હતી.

જો કે આશિષ મિશ્રાને જેલમાંથી બહાર આવતા એક-બે દિવસ લાગી શકે છે. આશિષ મિશ્રાના વકીલ અવધેશ સિંહે જણાવ્યું કે અલ્હાબાદ હાઈકોર્ટની લખનૌ બેન્ચે જામીન આપી દીધા છે, પરંતુ આદેશ આવવાનો બાકી છે. તેમણે કહ્યું કે ઓર્ડર આવ્યા બાદ આગળની પ્રક્રિયા શરૂ થશે. આમાં એક કે બે દિવસ લાગી શકે છે.

આશિષ મિશ્રાને જામીન કેમ મળ્યા?

આશિષ મિશ્રાના વકીલ સલિલ શ્રીવાસ્તવે જામીન મેળવવાનો આધાર આપ્યો છે. તેણે કહ્યું કે કાર આશિષ મિશ્રા નહીં, પરંતુ હરિ ઓમ મિશ્રા ચલાવી રહ્યા હતા અને તેઓ બચાવમાં કાર પર ચઢી ગયા હતા.

Life Management / ફુગ્ગાઓ પર નામ લખીને રૂમમાં મુકવામાં આવ્યા હતા, દરેકને તેમના નામનો બલૂન શોધવાનો હતો પણ

આસ્થા / બજરંગબલીની દરેક તસવીર કોઈને કોઈ વિશેષ લાભ આપે છે

આસ્થા / એક સમયે આ મંદિર આગમાં બળીને રાખ થઈ ગયું હતું, આજે આ પરંપરાના કારણે છે ચર્ચામાં, વિવાદ પહોંચ્યો હાઈકોર્ટ

More Posts