ઓસ્ટ્રેલિયામાં ભારે વરસાદે પૂરની સ્થિતિ ઉભી કરી દીધી છે. જેના કારણે લોકોને સુરક્ષિત વિસ્તારમાં જવાની ફરજ પડી છે. આ દરમિયાન ઓસ્ટ્રેલિયામાં ભારે વરસાદમાં પૂરનાં પાણીમાં તણાઇ રહેલી કારનાં ભયાનક દ્રશ્યો જોવા મળ્યા હતા. ક્વીન્સલેન્ડનાં પરિવહન વિભાગ દ્વારા રજૂ કરાયેલા, વિડીયોને બાદમાં દેશનાં વડા પ્રધાન સ્કોટ મોરિસન દ્વારા સલાહકાર નોંધ સાથે ફરીથી શેર કરવામાં આવેલ છે.
આ વિડીયો સોશિયલ મીડિયા ઝડપથી વાયરલ થઇ રહ્યો છે. આ વિડીયોમાં તમે એક કારને રમકડાની જેમ તણાઇ જતા જોઇ શકો છો. આ જ કારણ છે કે, તમારે ક્યારેય પૂરનાં પાણીમાં ન જવું જોઈએ. જો કે આ ડ્રાઇવર કાર તણાઇ તે પહેલા જ સલામત રીતે બહાર નીકળવામાં સફળ રહ્યો હતો. આ વીડિયોને ઓસ્ટ્રેલિયાનાં વડા પ્રધાન સ્કોટ મોરિસન દ્વારા ટ્વિટર પર શેર કરવામાં આવ્યો છે. આ વીડિયો જોયા પછી લોકોનાં રુવાટા ઉભા થઈ ગયા હતા. વિડીયોમાં સ્પષ્ટ દેખાઈ રહ્યું છે કે, વરસાદ વચ્ચે પૂરનાં પાણીથી રસ્તો પૂરી રીતે ભરાઈ ગયો છે. આ પ્રવાહમાં, એક માણસ પોતાની કાર સાથે રસ્તો પાર કરવાનો પ્રયાસ કરે છે, જેના પછી તે ખૂબ જ મુશ્કેલીમાં મુકાઇ જાય છે.
This is why you should never go into flood waters. If it's flooded, forget it.
Thankfully, this driver was able to get out safely before the car was swept away. https://t.co/slQpUvQMFr
— Hon. Scott Morrison AC (@ScoMo30) March 23, 2021
આપને જણાવી દઇએ કે, ઓસ્ટ્રેલિયામાં મુશળધાર વરસાદને કારણે 40,000 થી વધુ લોકો જોખમી ફ્લેશ ફ્લડનો સામનો કરવો પડી રહ્યો છે. અસરગ્રસ્ત વિસ્તારોમાં બચાવ કામગીરી અને મોટા પાયે સફાઇ કામગીરી ચાલુ છે.
મંતવ્ય ન્યૂઝ દ્વારા જાહેર અપીલ –
નાગરીકોની શિસ્તબધ્ધતા અને તંત્રની અથાગ મહેનતનાં કારણે ગુજરાતમાં કોરોના નામશેષ થવાનાં આરે પહોંચી ચૂક્યો છે. ગાફેલ રહેવાની બીલકુલ જરુર નથી કારણ કે કોરોનાની સંપૂર્ણ નાબૂદીમાં હજુ થોડો સમય લાગશે. જો કે, ગુજરાતનાં આ સદનસીબ છે કે કોરોનાની ચાલ મંદી પડી છે, બાકી વિશ્વનાં અનેક દેશમાં આજે પણ કોરોના કહેર વર્તાવી જ રહ્યો છે. આવા સમયે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, કોરોનાથી ડરવાની નહીં, પરંતુ સંયમ સાથે વર્તવાની જરુર છે અને જે આપણે કરી પણ બતાવ્યું છે. છતા પણ બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય, ચાલો સંયમ સાથે નિયમોનું પાલન કરી એક જાગૃત નાગરીકની ફરજ બજાવીએ…
