નારી તુ નારાયણી, નારી તુ ના હારી આ તમામ કહેવતોને સાર્થક કરતી ઉકતી ભારતીય નૌસેનાની પાંચ મહિલા અધિકારીઓએ સાર્થક કરી છે. અને પોરબંદરની ધરતી ઉપર આ નારી શકિતએ ઇતિહાસ રચ્યો છે. ભારતીય નૌકાદળની મહિલા અધિકારીઓએ મેરીટાઇમ સર્વેલન્સ એરક્રાફટમાં સ્વતંત્ર ઓપરેશન મીશન હાથ ધર્યુ હતું. અને સફળતા પુર્વક પ્રથમ લશ્કરી ઉડયન પુર્ણ કરી ઇતિહાસ રચી લીધો છે. ભારતીય નૌકાદળનાં 314 નાં પાંચ મહિલા અધિકારીઓએ ડોનિયર વિમાનમાં ઉત્તર અરબી સમુદ્રમાં સૌ પ્રથમ મહિલા સ્વતંત્ર મેરીટાઇમ રિકોનિસન્સ અને સર્વેલન્સ મિશન પુર્ણ કરી ઇતિહાસ રચી દીધો છે. આ એરક્રાફટનું નેતૃત્વ મિશન કમાન્ડર લેફટન્ટ સેનાપતિ આંચલ શર્માએ કર્યુ હતું. જેમની ટીમમાં પાયલોટ લેફટન્ટ શિવાંગી, લેફટન્ટ અર્જુવે ગીતે અને ટેકનીકલ એન્ડ સેન્સર ઓફિસર્સ લેફટન્ટ પુજા પાંડે અને એસએલટી પુજા શેખાવત રહયાં હતાં. ગુજરાત સ્થિત ફ્રન્ટ લાઇન નેવલ એર સ્કવોડ્રન છે.
આ મહિલા અધિકારીઓએ આધુનિક ડોનીયર 228 મેરીટાઇમ રિકોનિસન્સ એરક્રાફટનું સંચાલન કર્યુ હતું. સ્કવોડ્રન કમાન્ડર ગોયલ દ્વારા નેવીગેશન પ્રશિક્ષણ દ્વારા કરવામાં આવ્યું હતું. તા.3 ઓગષ્ટ 2003 નાં રોજ નેવલ એરએનકલેવ ખાતે ટીમ આવી પહોંચી હતી. અને આ રીતે પોરબંદરની ધરતી ઉપર ઇતિહાસ રચાયો હતો.
મહિલા અધિકારીઓએ આ ઐતિહાસિક સૉર્ટી સુધીની દોડમાં મહિનાઓની ગ્રાઉન્ડ ટ્રેનિંગ અને વ્યાપક મિશન બ્રીફિંગ મેળવ્યા હતા. મહત્વનું છે કે ભારતીય નૌકાદળ સશસ્ત્ર દળોમાં પરિવર્તન લાવવામાં સૌથી આગળ રહી છે. તે પ્રભાવશાળી અને અગ્રણી મહિલા સશક્તિકરણ પહેલ છે. જેમાં મહિલા પાઇલોટ્સનો સમાવેશ, હેલિકોપ્ટર સ્ટ્રીમમાં મહિલા એર ઓપરેશન્સ ઓફિસર્સની પસંદગી અને 2018 માં સમગ્ર વિશ્વમાં તમામ મહિલા સઢવાળી પરિક્રમા અભિયાન હાથ ધરવાનો સમાવેશ થાય છે. જોકે, આ પ્રકારનું પ્રથમ લશ્કરી ઉડ્ડયન મિશન અનોખું હતું. અને ઉડ્ડયન સંવર્ગમાં મહિલા અધિકારીઓને વધુ જવાબદારી નિભાવવા અને વધુ પડકારરૂપ ભૂમિકાઓ માટે અભિલાષા કરવા માટે માર્ગ મોકળો કરવાની અપેક્ષા છે.
માત્ર મહિલા અધિકારીઓના ક્રૂએ મલ્ટી-ક્રુ મેરીટાઇમ સર્વેલન્સ એરક્રાફ્ટમાં સ્વતંત્ર ઓપરેશનલ મિશન હાથ ધર્યું હતું તે કદાચ સશસ્ત્ર દળો માટે એક અનોખી સિદ્ધિ સમાન છે.આ અધિકારીઓને સફળતાપૂર્વક આમ કરવા અને સમગ્ર ભારત અને વિશ્વની લાખો મહિલાઓને તમામ બંધનોમાંથી મુક્ત થવા અને તેમના સપનાને સાકાર કરવા પ્રેરણા આપવા બદલ ખૂબ ખૂબ અભિનંદન. આ મિશનએ ખરેખર વાસ્તવિક “નારી શક્તિ” ને દર્શાવી છે
