સમગ્ર દેશ માં કોરોનાની બીજી લહેર ઘાતક જોવા મળી હતી . જેમાં લાખો લોકો કોરોના સંક્રમણ માં મૃત્યુ પામ્યા હતા. ત્યારેં હવે જયરે કોરોના કેસ ઘટતા જોવા મળી રહ્યા છે વધુ એક નિપાહ વાયરસે કેન્દ્ર સરકારના કાન ઉંચા કરી દીધા છે. કેરળ પછી તામિલનાડુમાં પણ નિપાહ વાયરસના કેસ નોંધાયા છે .
રાજય માં પહેલો કેસ પ્રકાશમાં આવ્યા બાદ આરોગ્ય વિભાગ સતર્ક થઈ ગયું છે અને તમામ જરૂરી પગલાં અપનાવવામાં આવી રહ્યા છે. તેમણે જણાવ્યું હતું કે, સરકારી હોસ્પિટલોમાં ઉંચા તાવના દર્દીઓની સંપૂર્ણ તપાસ કરવામાં આવી રહી છે.
આ પણ વાંચો : NEET UG ની પરીક્ષા 12 સપ્ટેમ્બરે જ લેવાશે, સુપ્રીમ કોર્ટ દ્વારા ફેરફારની અરજી ફગાવાઈ
કેરળ માં પણ આ મામલો સામે આવ્યો હતો.આ પહેલા કેરળના કોઝીડોડમાં નિપાહ વાયરસને કારણે 12 વર્ષના છોકરાનું મોત થયું હતું. આ પછી, કેન્દ્રીય ટીમે તેના ઘરની મુલાકાત લીધી અને નમૂના લીધા. કહેવામાં આવી રહ્યું છે કે 188 લોકો છોકરાના સંપર્કમાં આવ્યા હતા. આમાં, વાયરસના લક્ષણો બેમાં જોવા મળ્યા છે.
નિપાહ વાયરસ ખતરનાક હોવાના અન્ય ઘણા કારણો છે. તેનો સેવન સમયગાળો એટલે કે ચેપી સમય ખૂબ લાંબો છે. ક્યારેક 45 દિવસ. આવી સ્થિતિમાં, જો કોઈ વ્યક્તિ આ વાયરસથી સંક્રમિત થાય છે, તો તે તેના વિશે જાણતો પણ નથી અને આવી સ્થિતિમાં તેણે આ વાયરસ અન્ય લોકોમાં ફેલાવ્યો છે.
આ પણ વાંચો :હિમાચલ પ્રદેશમાં એકવાર ફરી ભૂસ્ખલન, દ્રશ્યો જોઇ ચોંકી જશો આપ
ચેપગ્રસ્ત દર્દીઓમાં ઉંચો તાવ, ઉધરસ, થાક, શ્વાસની તકલીફ, માથાનો દુખાવો, સ્નાયુમાં દુખાવો અને એન્સેફાલીટીસ જેવા લક્ષણો દેખાઈ શકે છે . નિષ્ણાતોનું કહેવું છે કે એન્સેફાલીટીસના કારણે મગજમાં બળતરા થાય છે અને આ કિસ્સામાં દર્દીનું મૃત્યુ પણ થઇ શકે છે. આ બાળકને એન્સેફાલીટીસ પણ હતો, જેના કારણે હોસ્પિટલમાં દાખલ થયાના ત્રીજા દિવસે તેનું મૃત્યુ થયું હતું
