રશિયા પાસેથી એસ -400 મિસાઇલ સિસ્ટમ ખરીદવા માટે સોમવારે તુર્કી પર લાદવામાં આવેલી પ્રતિબંધના કારણે ભારત પરનું દબાણ પણ વધ્યું છે. ભૂતપૂર્વ રાજદ્વારીઓનું માનવું છે કે, ભારતે આ સંદર્ભે યુ.એસ.ની છૂટ માટેના પ્રયાસો વધુ તીવ્ર બનાવવાના રહેશે. એસ -400 એક સપાટીથી હવામાં હુમલો કરતી મિસાઇલ સિસ્ટમ છે. ભારત અને રશિયા આ અંગે સમજૂતી પર પહોંચી ગયા છે. રશિયાએ આ અદ્યતન મિસાઇલ સિસ્ટમનો પુરવઠો ભારતને આપ્યો છે. પૂર્વ વિદેશ સચિવ શશાંકે જણાવ્યું હતું કે, અમેરિકાએ એસ -400 ડીલ પર ભારતને હજી સુધી કોઈ છૂટ આપી નથી. અને અમેરિકા દ્વારા આ મામલે મુકવામાં આવેલ તુર્કી પરનો પ્રતિબંધ પણ ભારત માટે સંકેત કહી શકાય છે.

Winter Forecast: રાજ્યમાં આગામી બે દિવસ કોલ્ડવેવની આગાહી, 5.0 ડિગ્રી સાથે નલિ…

તેમણે કહ્યું કે ભારતની વાટાઘાટો અમેરિકા સાથે ચાલી રહી છે. આપણે વાતચીત ઝડપી કરવી પડશે, જેથી આપણે કોઈ પણ પ્રકારની અસ્વસ્થ પરિસ્થિતિનો સામનો ન કરવો પડે. શશાંકે કહ્યું કે ભારત અમેરિકાનો ખૂબ જ મહત્વપૂર્ણ ભાગીદાર છે. બંનેની વ્યૂહાત્મક ભાગીદારી એક નવા આયામ પર છે. આવી સ્થિતિમાં અમેરિકાએ ભારત વિશે એક અલગ મત લેવો પડશે. પરંતુ તે માટે આપણે આપણો કેસ વધુ અસરકારક રીતે મૂકવો પડશે.

Bengol Election / ઓવૈસીના કારણે બંગાળમાં બિહારવાળીનો ડર, ભાજપથી મોટો ચોર કોઇ ન…

શશાંકે કહ્યું, “યુ.એસ.એ આપને ચાબહારના મુદ્દે છૂટછાટ આપી છે, પરંતુ તેમાં પણ મર્યાદિત છૂટછાટ છે.” આપણે સમજાવવું પડશે કે, જો યુ.એસ. ભારતને છૂટ નહીં આપે તો ચીન તેનો લાભ લઈ શકે છે. યુ.એસ.એ ઈરાનમાંથી તેલની ખરીદી પર પણ પ્રતિબંધો લગાવી દીધા છે. જો કે, ભારતે સ્પષ્ટતા કરી છે કે, તે કોઈ પણ દેશ સાથેના તેના સ્વતંત્ર સંબંધોને ત્રાહીત પક્ષો દ્વારા પ્રભાવિત થવા દેશે નહીં, પરંતુ ભારતે નવા સમીકરણો પ્રમાણે તેની બાજુ મજબૂત રાખવી પડશે.

political analysis / કેરલ માટે 2021 માં પરિવર્તન કે પૂનરાવર્તન ?…

ભારત સોદાથી પીછેહઠ કરશે નહીં
વ્યૂહાત્મક બાબતોના નિષ્ણાત  પીકે મિશ્રાએ જણાવ્યું હતું કે એસ -400 સોદો ભારત માટે ખૂબ મહત્વનો છે. ભારત આમાંથી પાછળ નહીં હટે. ભારત રશિયા સાથે કરારની પૂર્ણતા પર પહોંચી ગયું છે. રશિયા ભારતનો પરંપરાગત મિત્ર રહ્યો છે. ચીન સાથે સરહદ વિવાદની વચ્ચે પણ રશિયાએ ભારતને એસ -400 આપવા સંમતિ દર્શાવી છે. જો કે ભારત ચોક્કસપણે ઈચ્છશે કે, ભારત અમેરિકાની ચિંતાઓ પર ધ્યાન આપે. મહત્વનું છે કે, તુર્કી પર પ્રતિબંધોની ઘોષણા પછી, યુએસ વિદેશ સચિવએ કહ્યું છે કે, ‘આજની ​​કાર્યવાહીથી સ્પષ્ટ સંદેશો મળે છે કે યુએસનાં સાથીઓએ કાત્સાની કલમ 231 નો સંપૂર્ણ પાલન કરવું જોઈએ. તેમણે એમ પણ કહ્યું હતું કે તુર્કી એક મૂલ્યવાન સાથી છે અને તેણે સમસ્યાનું ઝડપથી નિરાકરણ લાવવું જોઈએ. યુએસનું કહેવું છે કે તુર્કીએ સરફેસ ટુ એર મિસાઇલ એર ડિફેન્સ સિસ્ટમ્સ ખરીદીને નિયમો તોડ્યા છે.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…