દીપિકા પાદુકોણ અને રણવીર સિંહ પોતાની ફેશન સેન્સથી લોકોને આશ્ચર્યજનક રાખે છે. આ વખતે દીપિકાની હેન્ડબેગની કિંમત સાંભળીને તમે ચોંકી જશો. ખરેખર, રણવીર અને દીપિકાને મુંબઈ એરપોર્ટ પર જોવામાં આવ્યા હતા, જ્યાં દીપિકાની હેન્ડબેગએ તમામનું ધ્યાન ખેંચ્યું હતું. આ બેગની કિંમતમાં બે આઇફોન ખરીદી શકાય છે.
સૌ પ્રથમ, જ્યારે દીપિકાના ડ્રેસિંગની વાત કરીએ તો તેણે હાઇ ઓવર સાઇઝ બટન-ડાઉન પુલઓવર શર્ટને હાઇ રાઇઝ ફ્લેયર્ડ પેન્ટ સાથે પેર કર્યો હતો. તની સાથે લાંબો ટ્રેન્ચ કોટ કેરી કર્યો હતો. આ લૂકમાં દીપિકા કમાલની લાગી રહી હતી.
તેણે પોતાના કપડાંને મેચ કરવા માટે બેજ કલરનો માસ્ક પહેર્યો હતો. તેમજ લેસ-અપ લેધર પ્લેટફોર્મ ફૂટવેર પહેર્યા હતા. તેનો સંપૂર્ણ ચિક લૂક તેની હેન્ડબેગ સાથે સંપૂર્ણ લાગી રહ્યો હતો.
દીપિકાએ બોટ્ટેગા વેનેતા ધ ચેન કેસેટ બેગ લીધી હતી. તેની કિંમત અમેરિકન ડોલર પ્રમાણે 3800 ડોલર છે જે ભારતીય ચલણ મુજબ 2,78,902 રુપિયા છે. આંચકો લાગ્યોને ….આ વિશાળ કિંમતમાં બે આઈફોન 12 પ્રો ખરીદી શકાય છે, જે આશરે 1 લાખ 19 હજાર રૂપિયાની આસપાસ છે.
રણવીર સિંહ પણ તેની અનોખી ફેશન સ્ટાઇલમાં જોવા મળ્યો હતો. તેણે ચેક પ્રિન્ટ સ્વેટર અને પેન્ટ સાથે બેજ બટન-ડાઉન ટ્રેંચ કોટ પહેર્યો હતો. તેણે બ્રાઉન લેસ-અપ સ્નીકર્સ, બેજ માસ્ક, સનગ્લાસ અને બેબa બેસબોલ કેપથી તેના લુકને પૂરક બનાવ્યો.
રણવીરે લુઇસ વીટનની ટ્રાવેલ બેગ પણ રાખી હતી. તે વિશ્વની જાણીતી અને ખર્ચાળ બ્રાન્ડ્સમાંની એક છે. આ બ્રાન્ડ સેલેબ્સમાં પણ ખૂબ લોકપ્રિય છે.
