પ્રધાનમંત્રી જન-ધન યોજના હેઠળ, બેંક ખાતાઓ શૂન્ય બેલેન્સ પર ખોલવામાં આવે છે, પરંતુ તમને એ જાણીને આશ્ચર્ય થશે કે આ યોજના હેઠળ ખોલવામાં આવેલા ખાતામાં એક લાખ કરોડથી પણ વધુ રકમ જમા છે. આ વાત એક આરટીઆઈ અરજી દ્વારા સામે આવી છે. વડા પ્રધાન નરેન્દ્ર મોદીએ સત્તા સંભાળ્યા બાદ સ્વતંત્રતા દિવસે સંબોધન દરમિયાન સામાન્ય નાગરિકોને બેંકો સાથે જોડવા અને એકીકૃત વિકાસ માટે પ્રધાનમંત્રી જનધન યોજનાની જાહેરાત કરી હતી. આ યોજનાનો હેતુ સામાન્ય માણસને બેંક સાથે જોડવાનો હતો. 28 ઓગષ્ટ, 2014 નાં રોજ તેની ઔપચારિક શરૂઆત કરવામાં આવી હતી. આ યોજનામાં ઝીરો બેલેન્સ પર ખાતા ખોલવાની જોગવાઈ છે.
પ્રધાનમંત્રી જન ધન યોજનાનો ઉદ્દેશ સમાજનાં તે ભાગને જોડવાનો છે, જે આર્થિક આપત્તિઓને કારણે બેંકોમાં ખાતા ખોલી શકતો નથી. આ સાથે સરકારની યોજનાઓ હેઠળ આપવામાં આવતી ગ્રાન્ટની રકમ સીધા બેંક ખાતામાં મોકલવાનો હેતુ છે. મધ્યપ્રદેશનાં નીમચ જિલ્લાનાં સામાજિક કાર્યકર ચંદ્રશેખર ગૌરે માહિતીનાં અધિકાર હેઠળ નાણાં મંત્રાલય પાસેથી પ્રધાનમંત્રી જનધન યોજનાની વિગતો માંગી હતી, ત્યારે જાણવા મળ્યું હતું કે 17 જુલાઈ, 2019 સુધીમાં આ યોજના હેઠળ 36.25 કરોડ ખાતા ખોલવામાં આવ્યા હતા, જેમાંથી 1, 00,831 કરોડ જમા થયા છે.
આ આરટીઆઈમાં મળેલી માહિતી બતાવે છે કે, આ યોજનાનાં પાંચ વર્ષ પૂરા થયા બાદ પણ પ્રધાનમંત્રી જન ધન યોજનાનાં 4.99 કરોડ ખાતામાં શૂન્ય બેલેન્સ છે. આ રીતે, આરટીઆઈથી મળેલી માહિતી પરથી જાણવા મળે છે કે બેંકોમાં ખાતા ખોલાવતા ગરીબ લોકોમાંથી લગભગ 14 ટકા એવા લોકો છે જેમના ખાતામાં એક રૂપિયો પણ નથી. આ યોજના હેઠળ બેંકોનાં ખાતાઓમાં લઘુતમ બેલેન્સની કોઈ શરત નથી. ખાતા પણ શૂન્ય બેલેન્સ પર ટકી રહે તેવી જોગવાઇ છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
