World News ; ભારત(India)માં જ માત્ર પોર્નોગ્રાફીની સમસ્યા નહીં, પરંતુ વિશ્વના ઘણા દેશોમાં જોવા મળે છે. યુવા પેઢી તેના તરફ વધુને વધુ આકર્ષિત થઈ રહી છે. જેના કારણે દેશનું ભવિષ્ય પણ જોખમમાં છે. ભારત(India) સહિત ઘણા દેશોની સરકારો અવારનવાર પોર્ન વેબસાઈટ(Porn Website) પર પ્રતિબંધ મૂકે છે, પરંતુ આ કોઈ કાયમી ઉકેલ નથી. હવે રશિયા(Russia)ના રાષ્ટ્રપતિ વ્લાદિમીર પુતિને(Putin) પણ પોર્નોગ્રાફીના આ મુદ્દે પોતાનું મૌન તોડ્યું છે.
પોર્નોગ્રાફી પર પુતિને શું કહ્યું ?
ગુરુવારે રશિયા ટુડે(Russia Today)ને આપેલા ઈન્ટરવ્યુમાં પુતિને(Putin) કહ્યું કે એડલ્ટ કન્ટેન્ટ દુનિયામાં ખૂબ જ લોકપ્રિય થઈ રહ્યું છે. આ માત્ર રશિયા માટે જ નહીં પરંતુ સમગ્ર વિશ્વ માટે એક મોટી સમસ્યા છે. આવી સ્થિતિમાં, લોકોને પોર્ન સાઇટ્સ(Porn Sites)થી દૂર રાખવા માટે, પોર્ન કરતાં વધુ રસપ્રદ વસ્તુની જરૂર છે, જેથી લોકોનું ધ્યાન પોર્ન તરફ ન જાય.
પુખ્ત સામગ્રી કરતાં કંઈક રમુજી હોવું જોઈએ – Putin
પુતિન(Putin) કહે છે કે દુનિયાભરમાં અગણિત પોર્ન સાઇટ્સ છે. આ માત્ર આપણા માટે જ નહીં પરંતુ દરેક માટે સમસ્યા છે. આવી બાબતો પર પ્રતિબંધ મૂકવો એ એક માર્ગ હોઈ શકે છે, પરંતુ તે સમસ્યાનો કાયમી ઉકેલ નથી. પોર્નનો વિકલ્પ શોધવો વધુ જરૂરી છે, જે એડલ્ટ કન્ટેન્ટ કરતાં વધુ મનોરંજક અને રસપ્રદ છે.
કામ કરતી વખતે સેક્સ કરો – Putin
જો કે, આ પહેલીવાર નથી કે જ્યારે રશિયન રાષ્ટ્રપતિ(Russian President) પોતાના નિવેદનને કારણે હેડલાઇન્સમાં આવ્યા હોય. આ પહેલા પણ પુતિન(Putin) શારીરિક સંબંધોને લઈને નિવેદન આપી ચૂક્યા છે. થોડા દિવસો પહેલા પુતિને રશિયા(Russia)ની ઘટતી વસ્તી પર પ્રતિક્રિયા આપી હતી. મીડિયા રિપોર્ટ્સ અનુસાર, પુતિને(Putin) કહ્યું હતું કે લોકોએ લંચ બ્રેક અને કામ દરમિયાન કોફી બ્રેક દરમિયાન સેક્સ કરવું જોઈએ. તેનાથી દેશનો પ્રજનન દર વધશે. પુતિને(Putin) પોતાના ઈન્ટરવ્યુમાં તો એમ પણ કહ્યું હતું કે લોકોએ રાત્રે 10 વાગ્યાથી સવારના 2 વાગ્યા સુધી ઘરની લાઈટો અને ઈન્ટરનેટ બંધ કરી દેવું જોઈએ કારણ કે ઈન્ટીમેટ એક્ટિવિટીઝ માટે આ શ્રેષ્ઠ સમય છે.
પુતિનના નિવેદનોનું કારણ શું છે?
તમને જણાવી દઈએ કે હાલમાં રશિયા(Russia)નો પ્રજનન દર 1.5 છે, જે સામાન્ય રીતે 2.1 હોવો જોઈએ. રશિયા(Russia)માં આ અંગે ઘણી પહેલ પણ શરૂ કરવામાં આવી છે. મોસ્કો(Moscow)માં, 18-40 વર્ષની વયની સ્ત્રીઓ માટે મફત પ્રજનન તપાસ હાથ ધરવામાં આવે છે. દેશમાં વસ્તીને નિયંત્રિત કરવા માટે, પુતિન(Putin) સરકાર સેક્સ મંત્રાલય બનાવવાનું પણ વિચારી રહી છે.
આ પણ વાંચો: ‘એજન્ડર’ જ્યોર્જ સોરોસ… મોદી, ટ્રમ્પ, પુતિનથી લઈને જિનપિંગ સુધી ધિક્કાર, કુલીથી બન્યા ધનકુબેર !
આ પણ વાંચો: મોદી અને પુતિન આજે મળશે; પાંચ મહિનામાં બંને નેતાઓની આ બીજી મુલાકાત
