શ્રીલંકા સૌથી મોટા આર્થિક સંકટનો સામનો કરી રહ્યું છે. IPLમાં બિજી કુમાર સંગાકારા, મહેલા જયવર્દને અને ભાનુકા રાજપક્ષે પણ શ્રીલંકાના સમર્થનમાં સામે આવ્યા છે. આ દરમિયાન શ્રીલંકાના ભૂતપૂર્વ ક્રિકેટર અને મંત્રી અર્જુન રણતુંગાએ મંગળવારે IPL રમી રહેલા તમામ શ્રીલંકાના ખેલાડીઓને આ મુશ્કેલ સમયમાં આગળ આવવા અને તેમના દેશના સમર્થનમાં ઊભા રહેવા કહ્યું. તેમણે કહ્યું કે મને ખરેખર ખબર નથી, પરંતુ કેટલાક એવા ક્રિકેટરો છે જે IPLમાં શાનદાર પ્રદર્શન કરી રહ્યા છે પરંતુ પોતાના દેશ વિશે વાત કરી શકતા નથી.
કમનસીબે લોકો સરકાર સામે બોલતા ડરે છે. આ ક્રિકેટરો મંત્રાલય હેઠળના ક્રિકેટ બોર્ડ માટે પણ કામ કરી રહ્યા છે અને તેઓ તેમની નોકરી બચાવવાનો પ્રયાસ કરી રહ્યા છે, પરંતુ હવે તેઓએ એક પગલું આગળ વધવું પડશે, કારણ કે કેટલાક યુવા ક્રિકેટરો આગળ આવ્યા છે અને વિરોધના સમર્થનમાં નિવેદનો પણ આપ્યા છે.
આગળ આવવાની હિંમત હોવી જોઈએ
તેમણે કહ્યું કે જ્યારે કંઈક ખોટું થઈ રહ્યું હોય ત્યારે તમારે તમારા વ્યવસાય વિશે વિચાર્યા વિના તેની સામે બોલવા માટે આગળ આવવાની હિંમત હોવી જોઈએ. રણતુંગાએ કહ્યું કે લોકો તેમને પૂછે છે કે હું વિરોધમાં કેમ નથી. વાત એટલી જ છે કે હું છેલ્લા 19 વર્ષથી રાજકારણમાં છું અને આ કોઈ રાજકીય મુદ્દો નથી.
અત્યાર સુધી કોઈ રાજકીય પક્ષ કે રાજનેતાએ વિરોધમાં ભાગ લીધો નથી અને આ દેશની જનતાની સૌથી મોટી તાકાત છે. શ્રીલંકા હાલમાં સૌથી મોટા આર્થિક સંકટનો સામનો કરી રહ્યું છે. રોજબરોજની વસ્તુઓની ભારે અછત છે. સરકાર સામે લોકો રસ્તા પર ઉતરી આવ્યા છે. મહેલા જયવર્ધને અને કુમાર સંગાકારાએ પણ ભૂતકાળમાં સોશિયલ મીડિયા પર પોતાનું દર્દ વ્યક્ત કર્યું હતું.
આ પણ વાંચો: વર્ષે દેશમાં ચોમાસું કેવું રહેશે અને કેટલો વરસાદ પડશે, જાણો તમારા રાજ્યની સ્થિતિ?
આ પણ વાંચો: કોરોનાના વધતા કેસથી કેન્દ્ર સરકારની ચિંતા વધી, દિલ્હી-મહારાષ્ટ્ર સહિત પાંચ રાજ્યોને લખ્યો પત્ર
