કેન્દ્રીય મંત્રી અજય મિશ્રાના કાફલાના કથિત કાર અકસ્માતને લઈને ઉત્તરપ્રદેશના લખીમપુર ખેરી જિલ્લામાં ભારે હંગામો થયો છે. અકસ્માત બાદ ખેડૂતોમાં રોષ છે. લખીમપુર ખેરીના ડીએમ અરવિંદ ચૌરસિયા પાસેથી મળેલી માહિતી અનુસાર, 5 ખેડૂતોના મોત થયા છે, પરિસ્થિતિ ખૂબ જ તંગ છે.
મોટી સંખ્યામાં ખેડૂતો પહોંચ્યા
યુનાઇટેડ કિસાન મોરચા અને ભારતીય કિસાન યુનિયને લખીમપુર પહોંચવા આહ્વાન આપ્યું છે. હજારો ખેડૂતો અહીં પહોંચી ચૂક્યા છે. કેન્દ્રીય મંત્રી અજય મિશ્રા ટેનીના પુત્ર અભય મિશ્રા મોનુ પર ખેડૂતોને કારથી કચડવાનો પ્રયાસ કરવાનો આરોપ લગાવવામાં આવી રહ્યો છે. કેટલાક ખેડૂત સંગઠનોએ ફાયરિંગનો આરોપ પણ લગાવ્યો છે.
બલિદાનને વ્યર્થ નહીં જવા દઈએ: રાહુલ ગાંધી
આ સમગ્ર મામલે રાહુલ ગાંધીએ કહ્યું કે, જે આ અમાનવીય હત્યાકાંડ જોયા પછી પણ ચૂપ છે, તે પહેલેથી જ મરી ગયો છે. પરંતુ અમે આ બલિદાનને વ્યર્થ નહીં જવા દઈએ – કિસાન સત્યાગ્રહ જિંદાબાદ! ”
પ્રિયંકા ગાંધીએ ભાજપ પર નિશાન સાધ્યું
પ્રિયંકા ગાંધીએ પણ આ મામલે ભાજપ પર નિશાન સાધ્યું છે. તેમણે ટ્વિટ કર્યું હતું કે, “ભાજપ દેશના ખેડૂતોને કેટલી નફરત કરે છે? શું તેમને જીવવાનો અધિકાર નથી? જો તેઓ અવાજ ઉઠાવે, તો શું તમે તેમને ગોળી મારશો, કારથી કચડી નાખશો ? આ ખેડૂતોનો દેશ છે, ભાજપની ક્રૂર વિચારધારાનો જાગીર નથી. કિસાન સત્યાગ્રહને મજબુત કરવામાં આવશે અને ખેડૂતનો અવાજ વધુ ઉંચો થશે. “
પ્રિયંકા ગાંધી લખીમપુર ખેરી જઈ શકે છે
અગાઉ એવા અહેવાલ હતા કે કેન્દ્રીય મંત્રી અજય મિશ્રાના સમર્થકોના કથિત વાહન સાથે ટકરાતા બે ખેડૂતો ઘાયલ થયા હતા. રોષે ભરાયેલા ખેડૂતોએ બે વાહનોને આગ ચાંપી દીધી. કહેવામાં આવી રહ્યું છે કે જે 2 વાહનો સળગાવી દેવામાં આવ્યા છે તેમાંથી એક વાહન કેન્દ્રીય મંત્રીના પુત્રનું છે. એવા પણ સમાચાર છે કે કાલે કોંગ્રેસના નેતા પ્રિયંકા ગાંધી લખીમપુર ખેરી જઈ શકે છે.
ડ્રગ્સ કેસ / રેવ પાર્ટી શું છે ? ક્યાં ડ્રગનો ઉપયોગ થાય છે, આવો જાણીએ અત થી ઈતિ
ક્રુઝ ડ્રગ્સ પાર્ટી / શાહરૂખ પુત્ર આર્યન ખાન સહિત ત્રણેય આરોપીઓને એક દિવસની કસ્ટડીમાં મોકલાયા
તાલિબાનના શાસન / વધતી ગરીબી: દીકરીનો જીવ બચાવવા અફઘાન મહિલાએ પોતાનું નવજાત બાળક વેચ્યું
ક્રુઝ ડ્રગ્સ પાર્ટી / NCB ને આ રીતે મળી હતી ક્રૂઝ ડ્રગ્સ પાર્ટી વિશે માહિતી, જાણો દિલધડક ઓપરેશનની આખી કહાની
