- કોરોનાથી થયેલા 3 લાખ લોકોના મૃત્યુ સાથે ભારત ત્રીજા સ્થાને,
- અમેરિકા અને બ્રાઝિલ પછી ભારત ત્રીજા સ્થાને
રવિવારે ભારતમાં કોરોનાથી મૃત્યુ પામેલા કુલ દર્દીઓની સંખ્યા 3 લાખને વટાવી ગઈ છે. દેશમાં કોરોનાથી પ્રથમ મોત ગત વર્ષે 13 માર્ચે નોધાઇ હતી. 14 મહિના અને 10 દિવસ પછી, મૃત્યુની સંખ્યા 3 લાખ પર પહોચી ચુકી છે. અત્યાર સુધીમાં, કુલ 3,02,744 લોકો આ રોગચાળાના શિકાર બન્યા છે. દેશમાં કોરોનાની બીજી લહેર નબળી પડી રહી છે. પરંતુ હજુ પણ મૃત્યુઆંક ઓછો થઈ રહ્યો નથી. મેમાં દરરોજ સરેરાશ 3500 લોકોના મોત થયા છે. આ સમગ્ર વિશ્વમાં સૌથી વધુ છે.
વિશ્વના બે જ દેશોમાં કોરોનાથી અત્યાર સુધીમાં 3 લાખથી વધુ લોકોનાં મોત નીપજ્યાં છે. તેમાંથી અમેરિકા પ્રથમ અને બ્રાઝિલ બીજા સ્થાને છે. યુ.એસ. માં, ચેપને કારણે કુલ 6 લાખ અને બ્રાઝીલમાં 4. 8 લાખ લોકોનાં મોત નીપજ્યાં છે.બીજી તરંગ ટોચ પર પહોંચે તે પહેલાં દેશમાં એક દિવસમાં 4 લાખ જેટલા કેસ નોંધાયા છે. હવે આ સંખ્યા ઘટીને અઢી લાખ થઈ ગઈ છે. જો કે, તેઓ હજી પણ વિશ્વમાં સૌથી વધુ છે.
એક મહિના કરતા ઓછા સમયમાં એક લાખના મોત
દેશમાં કોરોનાથી થયેલા મૃત્યુની સંખ્યા એક લાખ સુધી પહોંચવામાં લગભગ સાડા છ મહિના થયા. એક થી બે લાખ પહોચવામાં 7 મહિનાથી ઓછો સમય લાગ્યો. તે જ સમયે, ત્રીજા લાખની સંખ્યા માટે માત્ર 26 દિવસ જેટલો ઓચ્ચો સમય લાગ્યો છે. દરમિયાન, સ્મશાનમાં સળગતી ચિતા, મૃતદેહના ઢગલા અને ગંગા કિનારે મૃતદેહને દફનાવવાના અનેક ફોટોગ્રાફ્સ પણ બહાર આવ્યા હતા.
દેશમાં 35 દિવસ પછી 2.5 લાખથી ઓછા નવા કેસ
દેશમાં કોરોનાની બીજી લહેર ધીમે ધીમે પોતાની ગઈ ઘટાડી રહી છે. શનિવારે દેશમાં 2 લાખ 40 હજાર 766 નવા કેસ સામે આવ્યા હતા. 35 દિવસ પછી, દેશમાં નવા ચેપગ્રસ્ત લોકોની સંખ્યા 2.5 લાખથી ઓછી થઈ ગઈ છે. આ પહેલા 16 એપ્રિલના રોજ 2 લાખ 34 હજાર 2 લોકોને કોરોના ચેપ લાગ્યો હતો.
