કોરોના વાયરસની રોકથામ માટે દેશભરમાં રસીકરણનો કાર્યક્રમ ચલાવવામાં આવી રહ્યો છે. જેના કારણે રાજકારણ પણ ખૂબ જ ઝડપી થઈ ગયું છે. શુક્રવારે હરિયાણાના મુખ્ય પ્રધાન મનોહર લાલ ખટ્ટરે કોંગ્રેસના પૂર્વ અધ્યક્ષ રાહુલ ગાંધીને કહ્યું હતું કે, જો તેઓ ઇચ્છે તો તેઓ પણ પોતા હરિયાણામાં આવીને રસી લગાવી શકે છે.
આ અગાઉ રાહુલ ગાંધીએ શુક્રવારે દેશમાં એન્ટિ કોવિડ -19 રસીઓની કથિત તંગીને ટાંકીને કેન્દ્ર સરકાર પર નિશાન સાધ્યું હતું અને દાવો કર્યો હતો કે જુલાઈ મહિનો આવી ગયો છે, પરંતુ રસીઓ આવી નથી.
जुलाई आ गया है, वैक्सीन नहीं आयीं।#WhereAreVaccines
— Rahul Gandhi (@RahulGandhi) July 2, 2021
ગાંધીએ ટિ્વટ કર્યું હતું કે, “જુલાઈ મહિનો આવી ગયો છે, રસી આવી નથી.” જવાબમાં ખટ્ટરે ગાંધીને “રાહુલ જી” તરીકે સંબોધન કર્યું અને કોવિન પોર્ટલ તરફ ધ્યાન દોરતાં કહ્યું, તમે અહીં નોંધણી કરાવી શકો છો. એપ્લિકેશન પણ ઉપલબ્ધ છે.
Rahul ji,https://t.co/fhxvdi1rTS
You can register here. App is also available.If you want, you can get yourself vaccinated from Haryana as well, where large numbers of citizens are getting vaccinated everyday, as part of the #WorldsLargestVaccineDrive. https://t.co/Y5voXB4oPK
— Manohar Lal (@mlkhattar) July 2, 2021
ખટ્ટરે પોતાના ટ્વિટમાં કહ્યું, “જો તમે ઇચ્છો તો તમે હરિયાણાથી પણ રસી લઈ શકો છો, જ્યાં વિશ્વની સૌથી મોટી રસીકરણ અભિયાનના ભાગરૂપે રોજ મોટી સંખ્યામાં નાગરિકોને રસી અપાય છે.”
આપને જણાવી દઈએ કે દેશભરમાં અત્યાર સુધીમાં કોરોના રસીના 34 કરોડથી વધુ ડોઝ લગાવામાં આવ્યા છે. અત્યાર સુધીમાં 27 કરોડ 94 લાખ 54 હજાર 91 લોકોને કોરોના રસીનો પ્રથમ ડોઝ આપવામાં આવ્યો છે અને 6 કરોડ 6 લાખ 22 હજાર 141 લોકોને કોરોના રસીનો બીજો ડોઝ આપવામાં આવ્યો છે. તે જ સમયે, કોરોના રસીના કુલ 34 કરોડ 76 હજાર 232 ડોઝ અત્યાર સુધી આપવામાં આવ્યા છે.
