રાજસ્થાનની જોધપુર જેલમાં આસારામની તબિયત અચાનક ખરાબ થઈ ગઈ હતી, જેના કારણે આસારામને મહાત્મા ગાંધી હોસ્પિટલના ઇમરજન્સી વોર્ડમાં દાખલ કરવામાં આવ્યા છે. બેચેની અને શ્વાસ લેવામાં તકલીફની ફરિયાદ બાદ આસારામને હોસ્પિટલમાં ખસેડવામાં આવ્યા છે. સગીરા સાથે જાતીય શોષણ કરવા બદલ આસારામ જોધપુરની સેન્ટ્રલ જેલમાં સજા ભોગવી રહ્યા છે.
આસારામને મંગળવારે રાત્રે જેલમાં બેચેની અનુભવ થયો હતો. જેલના દવાખાનામાં એક કલાકની પ્રાથમિક સહાય આપવામાં આવી હતી. ત્યારબાદ તેમને મહાત્મા ગાંધી હોસ્પિટલના ઇમરજન્સી વોર્ડમાં લાવવામાં આવ્યા, જ્યાં આસારામનું બીપી વધી રહ્યું હતું. તેઓ બેચેની અનુભવી રહ્યા હતા. અને યોગ્ય રીતે શ્વાસ લઈ શકતા ના હતા. તેના ઘૂંટણ પણ કામ કરતા નથી. જ્યારે આસારામને ઇમરજન્સીમાં લાવવામાં આવ્યા હતા, ત્યારે તેમની સંસ્થાના કેટલાક લોકો પણ ત્યાં પહોંચ્યા હતા, જેને પોલીસે બહાર કાઢ્યા હતા.
મોટી સંખ્યામાં સમર્થકો હોસ્પિટલની બહાર પહોંચ્યા હતા
મહાત્મા ગાંધી હોસ્પિટલમાં શ્રેણીબદ્ધ તપાસ બાદ આસારામને મથુરાદાસ માથુર હોસ્પિટલના સીસીયુ વોર્ડમાં ખસેડવામાં આવ્યા હતા. આસારામના સમર્થકો આજીવન કેદની સજા ભોગવી રહેલા આસારામના સમાચાર આવતાની સાથે જ હોસ્પિટલની બહાર મોટી સંખ્યામાં પહોંચી ગયા હતા.
જાતીય શોષણના કેસમાં સુનાવણી 8 માર્ચે થશે
જણાવી દઈએ કે આસારામ વિરુદ્ધ જાતીય શોષણના કેસમાં રાજસ્થાન હાઈકોર્ટ જોધપુરમાં ગત સપ્તાહે સુનાવણી થવાની હતી, પરંતુ આસારામના વકીલો હાજર ન હોવાને કારણે સુનાવણી મુલતવી રાખવામાં આવી હતી. આ મામલે હવે 8 માર્ચે સુનાવણી કરવામાં આવશે. એસસી એસટી કોર્ટે આસારામને આજીવન કેદની સજા ફટકારી હતી.
આ આરોપો નોંધાયેલા છે
જોધપુર નજીક આશ્રમમાં એક સગીર છોકરીએ આસારામ પર જાતીય શોષણનો આરોપ લગાવ્યા બાદ 2013 માં, આસારામની 31 ઓગસ્ટ 2013 ના રોજ મધ્યપ્રદેશના ઇન્દોરથી ધરપકડ કરવામાં આવી હતી. આસારામ પર પોસ્કો, જુવેનાઇલ જસ્ટિસ એક્ટ, બળાત્કાર, ગુનાહિત કાવતરું અને અન્ય ઘણા કેસ હેઠળ કેસ નોંધવામાં આવ્યા છે. 2014 માં, આસારમે સુપ્રીમ કોર્ટમાં જામીન અરજી કરી હતી, પરંતુ કોર્ટે તેને ફગાવી દીધી હતી. ત્યારબાદ એપ્રિલ 2018 માં, જોધપુર સ્પેશિયલ કોર્ટે આસારામને સગીર બાળકી પર બળાત્કાર ગુજાર્યો હોવાનું દોષી ગણાવ્યું હતું. પોક્સો એક્ટ હેઠળ કોર્ટે આસારામને આજીવન કેદ અને 1 લાખ રૂપિયાનો દંડ ફટકાર્યો હતો.
મંતવ્ય ન્યૂઝ દ્વારા જાહેર અપીલ –
નાગરીકોની શિસ્તબધ્ધતા અને તંત્રની અથાગ મહેનતનાં કારણે ગુજરાતમાં કોરોના નામશેષ થવાનાં આરે પહોંચી ચૂક્યો છે. ગાફેલ રહેવાની બીલકુલ જરુર નથી કારણ કે કોરોનાની સંપૂર્ણ નાબૂદીમાં હજુ થોડો સમય લાગશે. જો કે, ગુજરાતનાં આ સદનસીબ છે કે કોરોનાની ચાલ મંદી પડી છે, બાકી વિશ્વનાં અનેક દેશમાં આજે પણ કોરોના કહેર વર્તાવી જ રહ્યો છે. આવા સમયે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, કોરોનાથી ડરવાની નહીં, પરંતુ સંયમ સાથે વર્તવાની જરુર છે અને જે આપણે કરી પણ બતાવ્યું છે. છતા પણ બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય, ચાલો સંયમ સાથે નિયમોનું પાલન કરી એક જાગૃત નાગરીકની ફરજ બજાવીએ…
