IPL 2024ની 50મી મેચમાં રાજસ્થાન રોયલ્સનો મુકાબલો સનરાઈઝર્સ હૈદરાબાદ સામે થશે. આ મેચ હૈદરાબાદના રાજીવ ગાંધી ઈન્ટરનેશનલ સ્ટેડિયમમાં રમાશે.
સંજુ સેમસનની આગેવાની હેઠળની રાજસ્થાનની ટીમે અત્યાર સુધીમાં 9 મેચમાંથી 8માં જીત મેળવી છે, જ્યારે સનરાઈઝર્સ હૈદરાબાદની ટીમ 9માંથી 5 મેચ જીતીને પોઈન્ટ ટેબલમાં પાંચમા સ્થાને છે. રાજસ્થાનની ટીમના 16 પોઈન્ટ છે અને જો તે સનરાઈઝર્સ હૈદરાબાદ સામેની મેચ જીતશે તો તે આઈપીએલ 2024ના પ્લેઓફમાં પહોંચનારી પ્રથમ ટીમ બની જશે.
શુ કહે છે નિષ્ણાત
આ મેચમાં સનરાઇઝર્સ હૈદરાબાદની ટીમ પર ઘણું દબાણ રહેશે. હૈદરાબાદની ટીમને RCB અને CSK સામે હારનો સ્વાદ ચાખવો પડ્યો હતો. આવી સ્થિતિમાં, શું તમે જાણો છો કે હૈદરાબાદની પીચ પર કોને ફાયદો થશે, બેટ્સમેન કે બોલરો?
જો હૈદરાબાદની વાત કરીએ તો પિચ એકદમ સપાટ છે. અહીં બેટ્સમેન ઘણા રન બનાવતા જોવા મળે છે. સ્પિનરો અહીં બોલિંગમાં ચોક્કસ અસર દેખાડી શકે છે. આ પિચ અન્ય ફાસ્ટ બોલરો માટે ખાસ નથી. આવી સ્થિતિમાં ટોસ જીતનારી ટીમ પહેલા બેટિંગ કરવાનો નિર્ણય કરીને મોટો સ્કોર બનાવવા માંગશે.
જો આંકડાઓની વાત કરીએ તો તમને જણાવી દઈએ કે હૈદરાબાદે આઈપીએલની કુલ 71 મેચોની યજમાની કરી હતી, જેમાં યજમાન ટીમે 36 મેચ જીતી હતી અને મુલાકાતી ટીમે 35 મેચ જીતી હતી.
જો સનરાઈઝર્સ હૈદરાબાદ અને રાજસ્થાન રોયલ્સના હેડ ટુ હેડ રેકોર્ડની વાત કરીએ તો બંને ટીમો વચ્ચે કુલ 18 આઈપીએલ મેચ રમાઈ છે, જેમાં રાજસ્થાનની ટીમ 9 મેચ જીતી છે અને હૈદરાબાદે 9 મેચ જીતી છે. આવી સ્થિતિમાં, બંનેમાંથી કોઈ પણ ટીમને હળવાશથી લેવી જોઈએ નહીં. બંને ટીમોએ એક-એક વખત IPLનો ખિતાબ જીત્યો છે.
આ પણ વાંચો:જમ્મુ-કાશ્મીરની અનંતનાગ-રાજૌરીની લોકસભા બેઠકની ચૂંટણીની તારીખોમાં કરાયો ફેરફાર
આ પણ વાંચો:હેમંત સોરેનની જમાનત અરજી પર આજે PMLA કોર્ટમાં થશે સુનાવણી, જમીન કૌભાંડ કેસ સંબંધિત વિવાદ
આ પણ વાંચો:બંનેમા વાસના હતી, પરંતુ માત્ર છોકરો બલિનો બકરો બન્યો,POCSO કેસમાં હાઈકોર્ટે આ શું કહ્યું ?