Rajkot News: રાજકોટ શહેરમાં એક ટ્યુશન ક્લાસ (Rajkot Tuition Class)માં વિદ્યાર્થી સાથે થયેલી કથિત મારપીટની ઘટના ચર્ચાનું કેન્દ્ર બની છે. હરિઘવા રોડ વિસ્તારમાં આવેલી એક ટ્યુશન સંસ્થાના સંચાલક શિક્ષક સામે ધોરણ-10ના વિદ્યાર્થીને ક્લાસ દરમિયાન માર માર્યાના ગંભીર આક્ષેપો કરવામાં આવ્યા છે. ઘટનામાં વિદ્યાર્થીને ઇજા પહોંચતા સારવાર માટે ખાનગી હોસ્પિટલમાં ખસેડવામાં આવ્યો હોવાનું પરિવારજનોનું કહેવું છે.
Rajkot Tuition Class: કુરકુરે ખાવા મુદ્દે વિદ્યાર્થીને પાઇપથી માર્યાનો આક્ષે
પરિવારના જણાવ્યા મુજબ, ધોરણ-10માં અભ્યાસ કરતો વિદ્યાર્થી છેલ્લા કેટલાક મહિનાથી ટ્યુશન ક્લાસ (Rajkot Tuition Class)માં જતો હતો. ક્લાસ દરમિયાન નાસ્તો (કુરકુરે) ખાતો હોવાની બાબતે શિક્ષક નારાજ થયા હતા અને ત્યારબાદ વિદ્યાર્થી સાથે મારપીટ કરવામાં આવી હોવાનો આક્ષેપ કરવામાં આવ્યો છે. પરિવારનો દાવો છે કે મારપીટ દરમિયાન વિદ્યાર્થીને લાફા તેમજ પ્લાસ્ટિકની પાઇપ વડે ફટકારવામાં આવ્યો હતો.
હોસ્પિટલમાં સારવાર લઈ રહેલા વિદ્યાર્થીએ જણાવ્યું કે તેને શરીરના વિવિધ ભાગોમાં માર મારવામાં આવ્યો હતો, જેના કારણે હાથની આંગળીમાં પણ ઇજા પહોંચી છે. ઘટનાના કારણે તે માનસિક રીતે પણ ડરી ગયો હોવાનું પરિવારનું કહેવું છે.
વિદ્યાર્થીના વાલીઓએ આક્ષેપ કર્યો છે કે તેમના પુત્ર સાથે અતિશય કડક વર્તન કરવામાં આવ્યું હતું. તેમણે ઇજાઓનો વીડિયો સોશિયલ મીડિયા પર શેર કરીને સમગ્ર ઘટનાની જાણકારી જાહેર કરી છે. વાલીઓનું કહેવું છે કે ભવિષ્યમાં અન્ય કોઈ વિદ્યાર્થી સાથે આવી ઘટના ન બને તે માટે આ મુદ્દો લોકો સમક્ષ લાવવામાં આવ્યો છે. જોકે, હાલ સુધી સત્તાવાર પોલીસ ફરિયાદ નોંધાવવામાં આવી નથી.
આ ઘટનાની માહિતી સામે આવતા વિદ્યાર્થી સંગઠનો અને સ્થાનિક લોકોમાં પણ ચર્ચા શરૂ થઈ છે. કેટલાક વિદ્યાર્થી આગેવાનોએ શિક્ષણ સંસ્થાઓમાં વિદ્યાર્થીઓ સાથે હિંસક વર્તન ન થવું જોઈએ તેવી માંગ સાથે યોગ્ય તપાસ અને જરૂરી કાર્યવાહી કરવાની માંગ ઉઠાવી છે.
ઘટનાને લઈને અત્યાર સુધી શિક્ષક અથવા ક્લાસ (Rajkot Tuition Class) સંચાલન તરફથી કોઈ સત્તાવાર પ્રતિક્રિયા સામે આવી નથી. સમગ્ર મામલે એકતરફી આક્ષેપો થયા હોવાથી હકીકત જાણવા સંબંધિત તપાસ અને સત્તાવાર માહિતીની રાહ જોવામાં આવી રહી છે.
આ પણ વાંચો:વાવ-થરાદ વિસ્તારમાં શાળામાં વિવાદ: શિક્ષક દ્વારા વિદ્યાર્થીને માર્યાનો આક્ષેપ
આ પણ વાંચો:અમદાવાદના બાપુનગરમાં ટ્યુશન ક્લાસમાં બબાલ, સામાન્ય બાબતમાં વિદ્યાર્થીએ વિદ્યાર્થીને મારી છરી
આ પણ વાંચો:બાલાસિનોર તાલુકા પોલીસ સ્ટેશન મહિલા PI દ્વારા વિદ્યાર્થીને મારઝૂડ
