Georgia News: જ્યોર્જિયન સરહદ પર 56 ભારતીય પ્રવાસીઓ સાથે અમાનવીય વર્તનનો હૃદયદ્રાવક કિસ્સો પ્રકાશમાં આવ્યો છે. એક મહિલાએ દાવો કર્યો છે કે માન્ય ઇ-વિઝા અને દસ્તાવેજો હોવા છતાં, જ્યોર્જિયન અધિકારીઓએ આ પ્રવાસીઓને ખોરાક, પાણી કે શૌચાલય વિના ઠંડીમાં કલાકો સુધી રાહ જોવાની ફરજ પાડી હતી.
આ ઘટનાએ જ્યોર્જિયામાં ભારતીયો સાથેના વર્તન પર ગંભીર પ્રશ્નો ઉભા કર્યા છે. ધ્રુવી પટેલ નામની એક મહિલાએ ઇન્સ્ટાગ્રામ પર પોતાની હૃદયદ્રાવક વાર્તા શેર કરી, જેમાં સમજાવ્યું કે આર્મેનિયા અને જ્યોર્જિયા વચ્ચેના સદાખલો બોર્ડર ક્રોસિંગ પર તેના ગ્રુપને પાંચ કલાકથી વધુ સમય સુધી ઠંડીમાં ઉભા રાખવામાં આવ્યા હતા. તેના પાસપોર્ટ જપ્ત કરવામાં આવ્યા હતા, તેને કોઈ માહિતી આપવામાં આવી ન હતી, અને તેને ફૂટપાથ પર બેસવાની ફરજ પડી હતી. તેણીએ કહ્યું કે તેણીને એવું લાગ્યું કે તેણી સાથે પ્રાણીઓ જેવો વ્યવહાર કરવામાં આવી રહ્યો છે.
“અમારી સાથે ગુનેગારો જેવો વ્યવહાર કરવામાં આવ્યો હતો…”
ધ્રુવી પટેલે આરોપ લગાવ્યો કે અધિકારીઓએ તેની સાથે ગુનેગારો જેવું વર્તન કર્યું હતું, પરંતુ જ્યારે અન્ય મુસાફરોએ વીડિયો બનાવવાનો પ્રયાસ કર્યો ત્યારે તેને રોકવામાં આવ્યા. આઘાતજનક રીતે, અધિકારીઓએ તેના દસ્તાવેજો પણ તપાસ્યા નહીં અને તેના વિઝા અમાન્ય જાહેર કર્યા. પટેલે આને “શરમજનક અને અસ્વીકાર્ય” ગણાવ્યું.
તેણીએ પોતાની પોસ્ટમાં વડા પ્રધાન નરેન્દ્ર મોદી અને વિદેશ પ્રધાન એસ. જયશંકરને ટેગ કરીને ભારત સરકારને આ બાબતે કડક વલણ અપનાવવાની માંગ કરી. આ ઘટના આર્મેનિયા અને જ્યોર્જિયા વચ્ચેના મુખ્ય ભૂમિ માર્ગ, સદાખલો બોર્ડર ક્રોસિંગ પર બની હતી.
આ પણ વાંચો:શું ભારત પર હજુ વધારે પ્રતિબંધો લાદશે ટ્રમ્પ? તેને કહ્યું હા, હું તૈયાર છું
આ પણ વાંચો:ભારતીયો ટ્રમ્પના વધુ એક નિર્ણયથી મુશ્કેલીમાં, ટેક્સ ભરવા છતાં ડિપોર્ટેશનનો ખતરો
આ પણ વાંચો:ટ્રમ્પનો સ્વર બદલાયો,’મોદી અને હું હંમેશા મિત્રો રહીશું’, PM મોદીએ કરી પોસ્ટ
