Sexual Wellness: ફેમિલી પ્લાનિંગ અને અનિચ્છનીય ગર્ભધારણથી બચવા માટે બર્થ કંટ્રોલ મેથડ્સ (ગર્ભનિરોધક પદ્ધતિઓ) ખૂબ જ જરૂરી છે. પરંતુ ઘણીવાર આ પદ્ધતિઓ કપલ્સની સેક્સ (Sex) લાઈફ અને માનસિક સ્થિતિ પર નકારાત્મક અસર કરે છે.

ખાસ કરીને હોર્મોનલ ગર્ભનિરોધક ગોળીઓ કે અન્ય સાધનો સ્ત્રીઓના મૂડ સ્વિંગ અને કામવાસના (Libido) માં ઘટાડો કરી શકે છે. જો તમે પણ આવી સમસ્યાનો સામનો કરી રહ્યા હોવ, તો આ બાબતોને સમજવી અને યોગ્ય પગલાં લેવા અનિવાર્ય છે.

બર્થ કંટ્રોલ કેવી રીતે અસર કરે છે?

હોર્મોનલ ફેરફાર: ગર્ભનિરોધક ગોળીઓ શરીરમાં એસ્ટ્રોજન અને પ્રોજેસ્ટેરોન હોર્મોન્સના સ્તરમાં ફેરફાર કરે છે, જે સીધી રીતે મૂડ અને ઈચ્છાઓ પર અસર કરે છે.

મૂડ સ્વિંગ અને ડિપ્રેશન: કેટલીક સ્ત્રીઓમાં આ પદ્ધતિઓને કારણે સતત ચીડિયાપણું, માનસિક તણાવ કે ઉદાસીનતા જોવા મળે છે.

ડ્રાયનેસ અને અસ્વસ્થતા: હોર્મોનલ બદલાવને કારણે શારીરિક સંબંધ બાંધતી વખતે ડ્રાયનેસ જેવી સમસ્યા થઈ શકે છે, જે આનંદને ઓછો કરી દે છે.

સમસ્યાથી બચવા માટેની ટિપ્સ :

1.નિષ્ણાતની સલાહ લો:

દરેક શરીર અલગ હોય છે. જો તમને કોઈ ચોક્કસ પદ્ધતિથી મૂડમાં ફેરફાર કે સેક્સ (Sex) લાઈફમાં ઘટાડો લાગે, તો તરત જ તમારા ગાયનેકોલોજિસ્ટ સાથે વાત કરો. તેઓ તમારા હોર્મોનલ લેવલ મુજબ બીજી કોઈ બહેતર પદ્ધતિ સૂચવી શકે છે.

2.નોન-હોર્મોનલ વિકલ્પો વિચારો:

જો હોર્મોનલ ગોળીઓ તમને માફક ન આવતી હોય, તો કોપર-ટી (IUD) કે કોન્ડોમ જેવા નોન-હોર્મોનલ વિકલ્પો વિશે વિચારો. આ પદ્ધતિઓ તમારા કુદરતી હોર્મોન્સ સાથે છેડછાડ કરતી નથી.

3.ડાયેટ અને લાઈફસ્ટાઈલ પર ધ્યાન આપો:

વિટામિન B6 અને મેગ્નેશિયમ યુક્ત આહાર લેવાથી મૂડ સુધારવામાં મદદ મળે છે. નિયમિત કસરત અને યોગ કરવાથી શરીરમાં એન્ડોર્ફિન (હેપી હોર્મોન્સ) રીલીઝ થાય છે જે સેક્સ (Sex) ડ્રાઈવ વધારે છે.

4.પાર્ટનર સાથે ખુલીને વાત કરો:  (Sex)

આ સમસ્યામાં તમારા પાર્ટનરનો સાથ સૌથી મહત્વનો છે. તમારી લાગણીઓ અને શારીરિક ફેરફારો વિશે તેમની સાથે ચર્ચા કરો, જેથી પરસ્પર સમજણ જળવાઈ રહે અને સંબંધમાં તિરાડ ન પડે.

ગર્ભનિરોધક પદ્ધતિઓ સુરક્ષા માટે છે, સજા માટે નહીં. જો તે તમારી ખુશીમાં બાધક બનતી હોય, તો તેને બદલવાનો કે યોગ્ય ઉકેલ શોધવાનો સમય આવી ગયો છે. સ્વસ્થ સેક્સ (Sex) લાઈફ અને સારો મૂડ એ સુખી લગ્નજીવનનો પાયો છે.

આ પણ વાંચો:  શું તમે ઇનફર્ટિલિટી પાછળના આ છુપાયેલા કારણો જાણો છો? પુરુષ અને મહિલા બંનેમાં હોઈ શકે છે આ સમસ્યા

આ પણ વાંચો:શું તમે તમારા પાર્ટનર સાથે ખુલીને વાત કરી શકો છો? જાણો કમ્યુનિકેશન ગેપ દૂર કરવાની રીતો!

આ પણ વાંચો: તમારા બેડરૂમને બનાવો ‘સેન્સિટિવ ઝોન’! આ ટિપ્સથી બેડરૂમનો માહોલ બનશે વધુ ઇન્ટેન્સ અને રોમાંચક