જુલાઇમાં છૂટક ફુગાવો વધીને 7.44 ટકા થયો હતો જે જૂનમાં 4.87 ટકા હતો. તેના આંકડા સોમવારે સરકારે જાહેર કર્યા હતા. જુલાઈમાં છૂટક ફુગાવો આરબીઆઈ દ્વારા નિર્ધારિત 2 થી 6 ટકાના ફુગાવાના બેન્ડમાંથી બહાર નીકળી ગયો છે. શાકભાજી, ખાસ કરીને ટામેટા સહિતની ખાદ્ય ચીજોના ભાવમાં તીવ્ર વધારાને કારણે જુલાઈ 2023માં છૂટક ફુગાવો 7 ટકાને પાર કરી ગયો છે.
આંકડા મંત્રાલય દ્વારા જાહેર કરવામાં આવેલા આંકડા મુજબ ખાદ્ય ચીજવસ્તુઓના મોંઘવારી દરમાં ભારે વધારો નોંધવામાં આવ્યો છે. મે 2022 પછી જુલાઈ રિટેલ ફુગાવો સૌથી વધુ છે. તે સમયે રિટેલ ફુગાવાનો દર 7.79% નોંધાયો હતો. કન્ઝ્યુમર ફૂડ પ્રાઇસ ઇન્ડેક્સ (CFPI) જુલાઇ 2023 માં વધીને 11.51% થયો જે જૂનમાં 4.49% હતો. ગ્રામીણ ફુગાવો 7.63 ટકા જ્યારે શહેરી ફુગાવો 7.20 ટકા હતો.
ચાર મહિના સુધી આરબીઆઈના નિયંત્રણમાં રહ્યા બાદ ફુગાવો અંકુશની બહાર ગયો
કન્ઝ્યુમર પ્રાઇસ ઇન્ડેક્સ (CPI) આધારિત ફુગાવો સતત ચાર મહિના સુધી રિઝર્વ બેન્ક (RBI)ના 2 થી 6 ટકાના સહનશીલતા બેન્ડની અંદર રહીને જુલાઈમાં ઉપલી મર્યાદાનો ભંગ કરે છે. છેલ્લા એક મહિનામાં શાકભાજી, ખાસ કરીને ટામેટાંના ભાવમાં અપેક્ષિત કરતાં વધુ વધારો થવાને કારણે છૂટક ફુગાવો વધ્યો છે. શાકભાજીના ફુગાવાના દરમાં સતત વધારો જોવા મળ્યો હતો અને તે વાર્ષિક ધોરણે 37.34 ટકા પર પહોંચ્યો હતો. વાર્ષિક ધોરણે તેમાં 0.93 ટકાનો ઘટાડો નોંધાયો છે. ખાદ્ય અને પીણાંનો ફુગાવો જૂનમાં 4.63 ટકાથી વધીને 10.57 ટકા થયો છે. બરછટ અનાજનો ફુગાવો જૂનમાં 12.71 ટકાથી વધીને 13.04 ટકા થયો છે.
આ પણ વાંચોઃ World Biggest Beggar/ ITએ પાડ્યો દરોડો અને 460 કરોડ રોકડા મળતા મળ્યો વિશ્વનો સૌથી અમીર ભીખારી
આ પણ વાંચોઃ ગજબ/ અવકાશમાંથી હિમાલય કેવો દેખાય છે? અવકાશયાત્રીએ મોકલ્યા ફોટો, તમે જોઈ..
આ પણ વાંચોઃ OMG!/ આ છે દુનિયાની સૌથી મોંઘી કીટલી, કિંમત એટલી છે કે તમને ચા રાખવાનું મન નહીં થાય
આ પણ વાંચોઃ અજબ ગજબ ન્યૂઝ/ ભારતના 5 અજીબ ગામ, જ્યાં રહે છે માત્ર કરોડપતિ, બોલે છે સંસ્કૃત, 50 વર્ષથી આ ગામમાં નથી થયા લગ્ન
આ પણ વાંચોઃ અજબ ગજબ ન્યૂઝ/ વાદળી રંગનું હોય છે આ મરઘીનું ઈંડું, જાણો કેમ છે આવું
