Richest Cities 2024: આ વર્ષે ભારતમાં અબજોપતિઓની સંખ્યામાં નોંધપાત્ર વધારો થયો છે. હુરુન ઈન્ડિયા રિચ લિસ્ટ 2024ના રિપોર્ટ અનુસાર વર્ષ 2024માં 94 નવા અબજોપતિ ભારતીય અબજોપતિઓની યાદીમાં સામેલ થયા છે. રિપોર્ટ અનુસાર, ભારતના અબજોપતિઓએ લગભગ 1 ટ્રિલિયન ડોલરની કુલ સંપત્તિ એકઠી કરી છે, જે કુલ વૈશ્વિક સંપત્તિના 7% છે. સૌથી ધનિક શહેરો તે શહેરોનો ઉલ્લેખ કરે છે જ્યાં મોટાભાગના અબજોપતિઓ રહે છે.
મુંબઈએ બેઈજિંગને પાછળ છોડ્યું
આ નવા પરિવર્તન વચ્ચે ભારતની આર્થિક રાજધાની તરીકે ઓળખાતા મુંબઈએ ચીનની રાજધાની બેઈજિંગને પાછળ છોડી દીધું છે. મુંબઈ હવે બેઈજિંગને પાછળ છોડીને એશિયાની બિલિયોનેર કેપિટલ બની ગયું છે. હુરુનના અહેવાલ મુજબ મુંબઈ હવે વિશ્વની ત્રીજી સૌથી અમીર રાજધાની બની ગયું છે. એટલે કે ભારતના મોટાભાગના અબજોપતિઓ મુંબઈમાં રહે છે.
આ વર્ષે મુંબઈમાં 58 નવા અબજોપતિઓ આ યાદીમાં જોડાયા છે
આ વર્ષે મુંબઈમાં રહેતા અબજોપતિઓની યાદીમાં 58 નવા નામ ઉમેરાયા છે, જે બાદ મુંબઈમાં રહેતા અબજોપતિઓની કુલ સંખ્યા વધીને 386 થઈ ગઈ છે. દેશની રાજધાની દિલ્હીમાં આ વર્ષે 18 નવા અબજોપતિ જોડાયા છે, જેના પછી દિલ્હીમાં રહેતા અબજોપતિઓની સંખ્યા વધીને 217 થઈ ગઈ છે. આ યાદીમાં ત્રીજા સ્થાને 104 અબજપતિઓ સાથે હૈદરાબાદ છે, જેમાં 17 નવા અબજોપતિનો ઉમેરો થયો છે.
આ વર્ષે બેંગલુરુમાં અબજોપતિઓની સંખ્યામાં વધારો થયો નથી
દેશના સૌથી ધનિક શહેરોની યાદીમાં બેંગલુરુ ચોથા સ્થાને છે. બેંગલુરુમાં રહેતા અબજોપતિઓની સંખ્યા 100 છે, આ વર્ષે બેંગલુરુમાં કોઈ નવા અબજપતિનો ઉમેરો થયો નથી. ચેન્નાઈ 82 અબજપતિઓ સાથે યાદીમાં 5માં સ્થાને છે, જેમાં આ વર્ષે 15 નવા અબજોપતિનો ઉમેરો થયો છે. 18 નવા અબજોપતિઓ સાથે, કોલકાતામાં રહેતા અબજોપતિઓની સંખ્યા વધીને 69 થઈ ગઈ છે અને આ શહેર આ યાદીમાં છઠ્ઠા સ્થાને છે.
આ યાદીમાં અમદાવાદ 67 અબજોપતિ (12 નવા અબજોપતિ) સાથે 7મા સ્થાને છે. પુણે 53 અબજોપતિ (14 નવા અબજોપતિ) સાથે યાદીમાં 8મા સ્થાને છે. સુરત આ યાદીમાં 28 અબજોપતિ સાથે 9મા સ્થાને છે, આ શહેરમાં આ વર્ષે 1 નવા અબજોપતિનો ઉમેરો થયો છે. ગુરુગ્રામ યાદીમાં 10મા સ્થાને છે, જ્યાં કુલ 23 અબજોપતિ રહે છે. ગુરુગ્રામમાં આ વર્ષે 5 નવા અબજોપતિ જોડાયા છે.
