નવી દિલ્હીઃ ભારતીય જનતા પાર્ટી (ભાજપ) એ મહારાષ્ટ્રના વર્તમાન રાજ્યપાલ સીપી રાધાકૃષ્ણનને ઉપરાષ્ટ્રપતિ પદ માટે એનડીએના ઉમેદવાર જાહેર કર્યા છે. આ નિર્ણય ભાજપ સંસદીય બોર્ડની બેઠકમાં લેવામાં આવ્યો હતો, જેની માહિતી પાર્ટીના અધ્યક્ષ જેપી નડ્ડાએ આપી હતી.

જેપી નડ્ડાએ જણાવ્યું હતું કે બેઠકમાં તમામ પાસાઓ પર વિગતવાર ચર્ચા કરવામાં આવી હતી અને તમામ સભ્યોના સૂચનો લેવામાં આવ્યા હતા, ત્યારબાદ રાધાકૃષ્ણનનું નામ મંજૂર કરવામાં આવ્યું હતું. મંગળવારે એનડીએ સંસદીય પક્ષની બેઠકમાં સીપી રાધાકૃષ્ણન પણ હાજર રહી શકે છે. તમિલનાડુના વતની સીપી રાધાકૃષ્ણનની ગણતરી ભાજપના વરિષ્ઠ નેતાઓમાં થાય છે.

20 ઓક્ટોબર 1957 ના રોજ તમિલનાડુના તિરુપુરમાં જન્મેલા રાધાકૃષ્ણનનું રાજકીય જીવન રાષ્ટ્રીય સ્વયંસેવક સંઘ (RSS) અને જન સંઘ સાથે સંકળાયેલું છે. સીપી રાધાકૃષ્ણન 70 ના દાયકામાં આરએસએસના સ્વયંસેવક તરીકે સક્રિય રાજકારણનો માર્ગ અપનાવ્યો હતો.

આ પછી, તેઓ ભારતીય જન સંઘની રાજ્ય કાર્યકારી સમિતિના સભ્ય બન્યા અને સંગઠનાત્મક કાર્યમાં મહત્વપૂર્ણ ભૂમિકા ભજવી. લાંબા સમય સુધી કાર્યકર તરીકે કામ કર્યા પછી, તેમને 1994 માં તમિલનાડુ ભાજપના સચિવ તરીકે પણ નિયુક્ત કરવામાં આવ્યા.

ટેબલ ટેનિસ ચેમ્પિયન

શૈક્ષણિક લાયકાતની વાત કરીએ તો, તેમણે કોઈમ્બતુરની વી.ઓ. ચિદમ્બરમ કોલેજમાંથી બીબીએ (બેચલર ઓફ બિઝનેસ એડમિનિસ્ટ્રેશન) કર્યું છે. રાધાકૃષ્ણન તેમની કોલેજમાં ટેબલ ટેનિસ ચેમ્પિયન અને લાંબા અંતરના દોડવીર રહી ચૂક્યા છે. તેમને ક્રિકેટ અને વોલીબોલ રમવાનો પણ શોખ છે. રાજ્યપાલ તરીકે ઝારખંડના 24 જિલ્લાઓની મુલાકાત લીધી

તેઓ 31 જુલાઈ 2024 થી મહારાષ્ટ્રના રાજ્યપાલ છે. અગાઉ, તેમણે 18 ફેબ્રુઆરી 2023 થી 30 જુલાઈ 2024 સુધી ઝારખંડના રાજ્યપાલ તરીકે સેવા આપી હતી. ઉપરાંત, તેમણે તેલંગાણા અને પુડુચેરીમાં વધારાનો હવાલો સંભાળ્યો હતો.

18 ફેબ્રુઆરી 2023 ના રોજ, તેમને ઝારખંડના રાજ્યપાલ તરીકે નિયુક્ત કરવામાં આવ્યા હતા. તેમના પ્રથમ ચાર મહિનામાં, તેમણે ઝારખંડના તમામ 24 જિલ્લાઓની મુલાકાત લીધી અને નાગરિકો અને જિલ્લા અધિકારીઓ સાથે વાતચીત કરી.

સાંસદ: રાધાકૃષ્ણન 1998 અને 1999માં કોઈમ્બતુર લોકસભા મતવિસ્તારથી બે વાર સાંસદ તરીકે ચૂંટાયા હતા. સાંસદ તરીકેના તેમના કાર્યકાળ દરમિયાન, તેમણે કાપડ પરની સંસદીય સ્થાયી સમિતિના અધ્યક્ષ તરીકે સેવા આપી હતી.

તેઓ જાહેર ક્ષેત્રના ઉપક્રમો (PSUs) પરની સંસદીય સમિતિ અને નાણાં પરની સલાહકાર સમિતિના સભ્ય પણ રહ્યા છે. આ ઉપરાંત, તેઓ સ્ટોક એક્સચેન્જ કૌભાંડની તપાસ કરતી સંસદીય વિશેષ સમિતિના સભ્ય પણ રહ્યા છે.

સંગઠનમાં ભૂમિકા

તેઓ 2003થી 2006 સુધી તમિલનાડુ ભાજપના પ્રમુખ હતા. આ ઉપરાંત, તેઓ કેરળ ભાજપના પ્રભારી પણ રહ્યા છે. 2004માં, રાધાકૃષ્ણને સંસદીય પ્રતિનિધિમંડળના સભ્ય તરીકે સંયુક્ત રાષ્ટ્ર મહાસભાને સંબોધિત કરી હતી. તેઓ તાઇવાનના પ્રથમ સંસદીય પ્રતિનિધિમંડળના સભ્ય હતા.

2004-2007 દરમિયાન તમિલનાડુ ભાજપના પ્રમુખ તરીકે, તેમણે નદીઓને જોડવા, આતંકવાદનો વિરોધ અને અસ્પૃશ્યતા નાબૂદી જેવા મુદ્દાઓ પર 93 દિવસની રથયાત્રા કાઢી હતી. તેઓ સંસદમાં કાપડ પરની સ્થાયી સમિતિના અધ્યક્ષ પણ હતા અને નાણાં અને જાહેર સાહસો સંબંધિત ઘણી સમિતિઓમાં યોગદાન આપ્યું હતું.

9 સપ્ટેમ્બરે ચૂંટણી

ગયા મહિને જગદીપ ધનખડે ઉપરાષ્ટ્રપતિ પદ પરથી રાજીનામું આપ્યું હતું, ત્યારબાદ ચૂંટણી પંચે થોડા સમય પહેલા ઉપરાષ્ટ્રપતિ પદની ચૂંટણી માટે ચૂંટણી કાર્યક્રમ નક્કી કર્યો હતો. આ ચૂંટણી 9 સપ્ટેમ્બરે યોજાશે. ચૂંટણી પંચના સૂચના અનુસાર, ઉમેદવારીપત્ર ભરવાની છેલ્લી તારીખ 21 ઓગસ્ટ છે અને દસ્તાવેજોની ચકાસણી 22 ઓગસ્ટે કરવામાં આવશે.

આ પણ વાંચો:ખડગે પર PM Modiનો કટાક્ષ, “લોકોને શું ખબર, દીવો પ્રગટાવવા માટે આપણે કેટલા તોફાનો પાર કર્યા છે”

આ પણ વાંચો:PM Modi પહોંચ્યા ગ્રીસ, ભારતીય વિદ્યાર્થીઓ આપશે અદભૂત પ્રેઝન્ટેશન

આ પણ વાંચો:ખેલાડીઓની ઓળખ કરીને તેમને આંતરરાષ્ટ્રીય સ્તરના ખેલાડી બનાવવાના તમામ પ્રયાસો કરવામાં આવી રહ્યા છે:PM Modi