રશિયાએ બુધવારે કહ્યું કે તે સંયુક્ત રાષ્ટ્ર સુરક્ષા પરિષદના કાયમી સભ્ય બનવાની ભારતની આકાંક્ષાઓને સમર્થન આપે છે. રશિયાએ G20 સમિટમાં વિવાદાસ્પદ મુદ્દાઓને ઉકેલવામાં ભારતની સફળતાની પ્રશંસા કરી અને તેને તેની વિદેશ નીતિ માટે ‘સાચી જીત’ ગણાવી. તમને જણાવી દઈએ કે સુરક્ષા પરિષદમાં 5 કાયમી અને 10 અસ્થાયી સભ્યો છે. ભારત લાંબા સમયથી UNSCમાં કાયમી સભ્યપદની માંગ કરી રહ્યું છે અને વિશ્વની બદલાતી વાસ્તવિકતાઓને અનુરૂપ સંયુક્ત રાષ્ટ્રમાં સુધારાની જોરદાર માંગ કરી રહ્યું છે.
‘ભારતની વિદેશ નીતિએ સાચી જીત હાંસલ કરી છે’
યુએનએસસીના 5 સ્થાયી સભ્યો બ્રિટન, ચીન, રશિયા, અમેરિકા અને ફ્રાન્સ છે. રશિયાના વિદેશ પ્રધાન સર્ગેઈ લવરોવ તેમના ભારતીય સમકક્ષ એસ. જયશંકર સાથેની વાતચીત બાદ તેમને કહ્યું, ‘અમે સંયુક્ત રાષ્ટ્ર સુરક્ષા પરિષદમાં કાયમી સભ્ય તરીકે જોડાવા માટે ભારતની ઉમેદવારીને સમર્થન આપીએ છીએ.’જયશંકર રશિયાની 5 દિવસની મુલાકાતે છે. લવરોવે જણાવ્યું હતું કે આ વર્ષે નવી દિલ્હીમાં યોજાયેલ G20 સમિટ ‘ભારતની વિદેશ નીતિ માટે સાચી જીત હતી; આ બહુપક્ષીય મુત્સદ્દીગીરીનો વિજય હતો.
A wide ranging and useful meeting with FM Sergey Lavrov of Russia.
As strategic partners, discussed the international situation and contemporary issues. Exchanged views on Indo-Pacific, the Ukraine conflict, the Gaza situation , Afghanistan and Central Asia, BRICS, SCO, G20 and… pic.twitter.com/Uk9VTbZm5y
— Dr. S. Jaishankar (@DrSJaishankar) December 27, 2023
વાસ્તવમાં, G20 સમિટમાં, ભારત યુક્રેન પર સંપૂર્ણપણે અલગ મંતવ્યો ધરાવતા દેશોને સાથે લાવવામાં સફળ થયું હતું. G20 ઘોષણામાં યુક્રેન સામેના યુદ્ધ માટે રશિયાની સીધી ટીકા ટાળવામાં આવી હતી, તેથી તેને યજમાન ભારત માટે એક મહત્વપૂર્ણ રાજદ્વારી વિજય તરીકે વધાવવામાં આવ્યું હતું. લવરોવે એમ પણ કહ્યું કે રશિયા ‘મેક ઇન ઇન્ડિયા’ પહેલ હેઠળ આધુનિક હથિયારોનું ઉત્પાદન શરૂ કરવા માટે તૈયાર છે. તેમણે કહ્યું કે આ મામલે નક્કર પ્રગતિ થઈ છે. લવરોવે કહ્યું કે રશિયા નવી દિલ્હીની પહેલને સમજે છે અને તેને સમર્થન આપવા તૈયાર છે.
આ પણ વાંચો :Crime/સગીર ભત્રીજી સાથે સંબંધ બાંધનારા પતિનું લિંગ કાપી નાંખ્યું
આ પણ વાંચો :Africa/આફ્રિકન દેશ કોંગોમાં ભારે વરસાદ અને પૂરે તબાહી મચાવી છે, અત્યાર સુધીમાં 22 લોકોનાથયા મોત
આ પણ વાંચો :Israel alert/દિલ્હીમાં દૂતાવાસ નજીક બ્લાસ્ટ બાદ ઈઝરાયેલ એલર્ટ, નાગરિકો માટે ટ્રાવેલ એડવાઈઝરી જારી
