સેમસંગ નવી ઓફર : સેમસંગે ભારતીય ગ્રાહકો માટે નવી ઓફર રજૂ કરી છે. સેમસંગ તરફથી આ ઓફર હેઠળ, કંપનીના આગામી ફ્લેગશિપ ફોન 2000 રૂપિયા ચૂકવીને પ્રી-બુકિંગ કરી શકાય છે, જોકે સેમસંગ દ્વારા ફોનનો નવો મોડેલ નંબર જણાવવામાં આવ્યો નથી. જણાવી દઈએ કે સેમસંગ 11 ઓગસ્ટના ગેલેક્સી અનપેક્ડ ઈવેન્ટમાં ગેલેક્સી ઝેડ ફોલ્ડ 3 અને ગેલેક્સી ઝેડ ફ્લિપ 3 જેવા સ્માર્ટફોન રજૂ કરવા જઈ રહી છે. કોરોનાને કારણે ઇવેન્ટ વર્ચ્યુઅલ (ઓનલાઇન) આયોજિત કરવામાં આવશે.
સેમસંગે આ ઓફર આપી છે. જેથી તેના ગ્રાહકો પ્રી-બુકિંગ દ્વારા ફોન ખરીદી શકે. સેમસંગના આગામી ફોનની પ્રી-બુકિંગ 6 ઓગસ્ટથી શરૂ થઈ ગઈ છે. જો તમે પણ સેમસંગની આગામી ફ્લેગશિપ ખરીદવા માંગતા હો, તો તમે સેમસંગના ઓનલાઇન સ્ટોર અને એપ દ્વારા 2,000 રૂપિયામાં બુક કરી શકો છો. પ્રી-બુકિંગ કરનારા ગ્રાહકોને નેક્સ્ટ ગેલેક્સી વીઆઇપી પાસ મળશે.
Dizo GoPods D Review / ઓછી કીમતે શાનદાર ઇયરબડસ
ઓફર હેઠળ, જે ગ્રાહકો પ્રી-બુક કરે છે તેમને સ્માર્ટટેગ મફતમાં મળશે, જેની કિંમત 2,699 રૂપિયા છે. આ સિવાય પ્રી-બુકિંગ સાથે 2,000 રૂપિયા ફોનની કિંમતમાં એડજસ્ટ કરવામાં આવશે. તમને જણાવી દઈએ કે આ ઓફર હાલમાં માત્ર આગામી ગેલેક્સી ફ્લેગશિપ માટે છે.
જણાવી દઈએ કે 11 ઓગસ્ટના રોજ સેમસંગની ગેલેક્સી અનપેક્ડ ઈવેન્ટ થવાની છે જેમાં ગેલેક્સી ઝેડ ફોલ્ડ 3 અને ગેલેક્સી ઝેડ ફ્લિપ 3 લોન્ચ થવાની ધારણા છે. તાજેતરમાં સેમસંગ ગેલેક્સી ઝેડ ફોલ્ડ 3 ની કિંમત લીક થઈ હતી. દાવો કરવામાં આવી રહ્યો છે કે આ ફોનની કિંમત 1,49,990 રૂપિયા હશે. તે જ સમયે, ગેલેક્સી ઝેડ ફ્લિપ 3 ની કિંમત 80,000 રૂપિયાથી 90,000 રૂપિયા વચ્ચે હોઈ શકે છે.
