Sanand News:સાણંદથી સરખેજ જતા રસ્તે ગિબપુર ગામ નજીક બ્લેક પલ્સર બાઈક પર આવેલા ત્રણ અજાણ્યા લૂંટારુઓએ બ્લેક પલ્સર બાઈકનો ઉપયોગ કરીને આંગડિયા પેઢીના કર્મચારી પાસેથી અંદાજે 25 લાખ રૂપિયાની રોકડ ભરેલી બેગ ઝૂંટવી (Robbery) લીધી હતી. આ ઘટના ફિલ્મી ઢબે બની હોવાનું જાણવા મળ્યું છે અને લૂંટારુઓ ઝડપથી ફરાર થઈ ગયા છે.
બ્લેક પલ્સર પર આવેલા ત્રણ શખ્સોએ લૂંટ (Robbery) ચલાવી
મળતી માહિતી અનુસાર, આંગડિયા પેઢીના એક કર્મચારી સાણંદ ખાતેની પેઢીમાંથી મોટી રકમ લઈને સરખેજ તરફ જઈ રહ્યા હતા. તેઓ પોતાના વાહનમાં મુસાફરી કરી રહ્યા હતા ત્યારે ગિબપુર ગામ પાસેના એક વિસ્તારમાં ત્રણ શખ્સો બ્લેક કલરની પલ્સર બાઈક પર આવ્યા હતા.
બાઈક પરના ત્રણેય લૂંટારુઓએ કર્મચારીનો રસ્તો રોકી લીધો અને એકદમ ઝડપથી તેમની પાસેથી રોકડ ભરેલો થેલો છીનવી (Robbery) લીધો. આખી ઘટના થોડી જ સેકન્ડોમાં પૂર્ણ થઈ ગઈ અને ત્રણેય આરોપીઓ પૂરપાટ ઝડપે સરખેજ તરફ ભાગી ગયા. ઘટનાની જાણ થતાં જ સાણંદ પોલીસ સ્ટેશને તાત્કાલિક કવાયત હાથ ધરી છે.
આ પણ વાંચો:આંગડિયા પેઢી લૂંટ કેસમાં પાટણ lcb પોલીસે આરોપીઓ ને દબોચ્યા
આ પણ વાંચો:અમદાવાદમાં આંગડિયા પેઢી પર CIDના દરોડા, કરોડોની રકમ સહિત સોનું જપ્ત
