હિજાબના વિવાદ વચ્ચે કર્ણાટકમાં આજથી ધોરણ 10 સુધીની શાળાઓ ખુલી ગઈ છે. પરંતુ રાજ્યમાં હજુ પણ 10થી 12ની કોલેજો બંધ છે. મુસ્લિમ વિદ્યાર્થીનીઓ દ્વારા હિજાબ પહેરવાનો મામલો હજુ કોર્ટમાં છે. આજે સવારે ધોરણ 10 સુધીની વિદ્યાર્થીનીઓ શાળાએ ગઈ હતી. આ વિવાદનું કેન્દ્ર બનેલા ઉડુપીમાં આજે શાળાઓ ખુલી છે. પરંતુ ઉડુપી પ્રશાસને સુરક્ષાને ધ્યાનમાં રાખીને સાવચેતી શાળાની આસપાસ કલમ-144 લાગુ કરી દીધી છે.
Karnataka: Schools for classes up to std 10th reopen today after they were closed in wake of #Hijab row.
Visuals from Government High School in Udupi. pic.twitter.com/xGoCHDq7mj
— ANI (@ANI) February 14, 2022
શાળાના બાળકોને સલામત લાગે તે માટે વહીવટીતંત્ર તેના શ્રેષ્ઠ પ્રયાસો કરી રહ્યું છે. રવિવારે પોલીસે શિવમોગામાં ફ્લેગ માર્ચ કરી હતી. આ પહેલા ઉડુપીમાં 11 ફેબ્રુઆરીએ પોલીસે ફ્લેગ માર્ચ કરી હતી.
સોમવારે શાળા ખુલવાની સાથે, વહીવટીતંત્રે શાળાની આસપાસ કોઈપણ પ્રકારના મેળાવડા પર પ્રતિબંધ મૂકવાના ઉદ્દેશ્ય સાથે કલમ-144 લાગુ કરી છે.ઉલ્લેખનીય છે કે સુરક્ષાના સંદર્ભમાં, ઉડુપી જિલ્લાના પોલીસ અધિક્ષક દ્વારા જિલ્લા કમિશનર એમ કુર્મા રાવને તમામ હાઈસ્કૂલોની આસપાસ 200 મીટરની ત્રિજ્યામાં કલમ 144 લાગુ કરવાની માંગ કરવામાં આવી હતી. ત્યાર બાદ કમિશનરે આ આદેશ આપ્યો છે. હવે 200 મીટરની ત્રિજ્યામાં 5 થી વધુ લોકો એકઠા થઈ શકશે નહીં.
જિલ્લા વહીવટીતંત્રના આદેશ મુજબ, શાળાની આસપાસ પાંચ કે તેથી વધુ સભ્યોને ભેગા કરવાની મંજૂરી નથી. વિરોધ પ્રદર્શન અને રેલીઓ સહિત તમામ પ્રકારના મેળાવડા પર પ્રતિબંધ મુકવામાં આવ્યો છે. એટલું જ નહીં, સૂત્રોચ્ચાર કરવા, ભાષણ આપવા પર સંપૂર્ણ પ્રતિબંધ છે. આ વિસ્તારોમાં કલમ-144 19 ફેબ્રુઆરી સુધી લાગુ રહેશે. 19 ફેબ્રુઆરી શનિવાર છે. 20મીએ રવિવાર હોવાથી શાળાઓ બંધ રહેશે. આ પહેલા વહીવટીતંત્ર તેના આદેશની સમીક્ષા કરી શકે છે.